ଜାମା ମସଜିଦରେ ଟିମ ଇଣ୍ଡିଆର ବିଜୟ ପାଇଁ ପ୍ରାର୍ଥନା

ଭୁବନେଶ୍ବର: ବିଶ୍ୱକପର ମହା ଲଢ଼େଇରେ ମୁହାଁ ମୁହିଁ ହୋଇଛନ୍ତି ଇଣ୍ଡିଆ ଓ ଅଷ୍ଟ୍ରେଲିଆ । ଦୁଇ ମହାଦଳ ମଧ୍ୟରେ ଚାଲିଛି ଫାଇଟ । କିଏ ଜିତିବ ବିଶ୍ବକପ ବାଜି ଏହାକୁ ନେଇ ସମସ୍ତେ ଉତ୍କଣ୍ଠାର ସହ ଚାହିଁ ରହିଛନ୍ତି । ଏହି ମହା ଲଢ଼େଇରେ ଟିମ ଇଣ୍ଡିଆର ବିଜୟକୁ ନେଇ ସବୁଠି ଶୁଭେଚ୍ଛା ଓ ଆଶୀର୍ବାଦର ବର୍ଷା ହେଉଛି । ଏହି କ୍ରମରେ ଟିମ ଇଣ୍ଡିଆର ବିଜୟକୁ ନେଇ ଆଲ୍ଲାଙ୍କ ପାଖରେ ପ୍ରାର୍ଥନା କରିଛନ୍ତି ମୁସଲିମ ଧର୍ମାବଲମ୍ବୀ ।  

ଭୁବନେଶ୍ୱରର ୟୁନିଟ-୩ ଜାମା ମସ୍‌ଜିଦରେ ମୁସଲମାନ ସମ୍ପ୍ରଦାୟର ବ୍ୟକ୍ତିମାନେ ଏକାଠି ହୋଇ ହାତରେ ତ୍ରିରଙ୍ଗା ଓ ଭାରତୀୟ ଦଳର ବିଶାଳ ପୋଷ୍ଟରକୁ ନେଇ ଟିମ ଇଣ୍ଡିଆର ବିଜୟ ପାଇଁ ପ୍ରାର୍ଥନା କରିଛନ୍ତି । ସକାଳର ସମୂହ ନମାଜରେ ମଧ୍ୟ ଟିମ ଇଣ୍ଡିଆ ପାଇଁ ପ୍ରାର୍ଥନା କରିବା ସହ ଚିୟର ଅପ କରିଛନ୍ତି । ଭାରତର ପଦର୍ଶନ ଭଲ ହେଉ ଏବଂ ଦୃଢ ସଂକଳ୍ପ ସହ ସେମାନେ ଜିତକୁ ପକା କରି ପୁଣିଥରେ ବିଶ୍ୱକପ ଜିତନ୍ତୁ ବୋଲି ଆଲ୍ଲାଙ୍କ ପାଖରେ ଆଶୀର୍ବାଦ କାମନା କରିଛନ୍ତି । ଭରତ ଏକ ସାର୍ବଭୌମ ରାଷ୍ଟ୍ର ହୋଇଥିବା ବେଳେ ଟିମ ଇଣ୍ଡିଆର ପଦର୍ଶନ ସହ ସବୁ ଧର୍ମର ଭାଇ ଭଉଣୀଙ୍କର ଆଶୀର୍ବାଦ ହିଁ ଦଳକୁ ଜିତାଇବ ବୋଲି ଆଶା ରଖି ମସଜିଦରେ ଏଭଳି ନମାଜ ପାଠ କରିଛନ୍ତି ମୁସଲିମ ଭାଇଭଉଣୀ ।  

ଏହା ମଧ୍ୟ ପଢ଼ନ୍ତୁ........ବିଶ୍ବକପ 2023 ଫାଇନାଲ: ଭାରତର ବିଜୟ ପାଇଁ ବାବା ବୁଖାରୀଙ୍କ ପୀଠରେ ପ୍ରାର୍ଥନା

ଇଟିଭି ଭାରତ, ଭୁବନେଶ୍ବର