MSCB University Convocation Day: ରାଷ୍ଟ୍ରପତିଙ୍କଠୁ ସ୍ବର୍ଣ୍ଣପଦକ ଗ୍ରହଣ ପରେ ଛାତ୍ରଛାତ୍ରୀଙ୍କ ପ୍ରତିକ୍ରିୟା

ରାଇରଙ୍ଗପୁର: ଆଜି ମହାମହିମ ରାଷ୍ଟ୍ରପତି ମୟୂରଭଞ୍ଜ ବାରିପଦା ଗସ୍ତରେ ଆସିଥିଲେ । ସେଠାରେ ଶ୍ରୀରାମଚନ୍ଦ୍ର ଭଞ୍ଜଦେଓ ବିଶ୍ଵ ବିଦ୍ୟାଳୟରେ ଆୟୋଜିତ ସମାବର୍ତ୍ତନ ଉତ୍ସବରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଏହି ଅବସରରେ କୃତି ଛାତ୍ରଛାତ୍ରୀଙ୍କୁ ସ୍ବର୍ଣ୍ଣ ପଦକ ପ୍ରଦାନ କରିଥିଲେ ମହାମହିମ । ରାଷ୍ଟ୍ରପତିଙ୍କ ହାତରୁ ସ୍ବର୍ଣ୍ଣ ପଦକ ଗ୍ରହଣ କରି ଖୁସିବ୍ୟକ୍ତ କରିଥିଲେ ଛାତ୍ରଛାତ୍ରୀ । ରାଷ୍ଟ୍ରପତିଙ୍କ ହାତରୁ ପଦକ ଗ୍ରହଣ କରିବା ନିହାତି ଭାବେ ଗର୍ବ ଓ ଗୌରବର ବିଷୟ ବୋଲି କହିଛନ୍ତି ଗୋଲ୍ଡ ମେଡାଲ ପାଇଥିବା ଜଣେ ଛାତ୍ର । ରାଷ୍ଟ୍ରପତିଙ୍କଠାରୁ ବହୁତ କିଛି ଶିଖିବା ସହ ତାଙ୍କ ପ୍ରେରଣାରେ ଅନୁପ୍ରାଣିତ ହୋଇ ଆଗକୁ ବଢ଼ିବାରେ ସହାୟକ ହେବ ବୋଲି ମତପ୍ରକାଶ କରିଥିଲେ ଛାତ୍ରଛାତ୍ରୀ । ତେବେ ରାଷ୍ଟ୍ରପତିଙ୍କୁ ଅତି ପାଖରୁ ପାଇ ଅତ୍ୟନ୍ତ ଖୁସି ହୋଇଥିଲେ ଛାତ୍ରଛାତ୍ରୀ । ଏହାସହ ଚାକିରି ପଛରେ ଧାଇଁବା ବ୍ୟତୀତ ଚାକିରି ଯୋଗାଇବା ଉପରେ ଛାତ୍ରଛାତ୍ରୀ ଅଧିକ ଗୁରୁଦ୍ବ ଦେବା ଉଚିତ ବୋଲି ପରାମର୍ଶ ଦେଇଛନ୍ତି ରାଷ୍ଟ୍ରପତି । 

ଇଟିଭି ଭାରତ, ରାଇରଙ୍ଗପୁର