ଦେଶୀ ଗୀତ ତାଳେ ତାଳେ ଧାନ କାଟିଲେ ବିଧାୟକ ମୁକେଶ ମହାଲିଙ୍ଗ

ବଲାଙ୍ଗୀର: ଗୀତର ତାଳେ ତାଳେ ନିଜ ଖେତରେ ନିଜେ  ଧାନ କାଟି ଚର୍ଚ୍ଚାରେ ବିଧାୟକ ମୁକେଶ ମହାଲିଙ୍ଗ। ଲୋକ ପ୍ରତିନିଧୀ ହୋଇ ସୁଦ୍ଧା ନିଜ ସରଳ ଜୀବନ ଯାପନ ସହ ବେଶ ପରିଚିତ ଲୋଇସିଂହା ବିଧାୟକ ମୁକେଶ ମହାଲିଙ୍ଗ । ଏବେ ଧାନ ଫସଲ ଅମଳର ସମୟ ହୋଇଥିବା ବେଳେ ବିଧାୟକ ମୁକେଶ ମହାଲିଙ୍ଗ ଲୋକଙ୍କ ଭାବାବେଗ ସହିତ ଯୋଡି ହେବା ସହ ନିଜ କାମ ନିଜେ କରିବା ଓ ଶ୍ରମିକଙ୍କୁ ସମ୍ମାନ ଉତ୍ସାହିତ କରିବା ଉଦ୍ଦେଶ୍ୟରେ ଖେତକୁ ଯାଇ ଧାନ କାଟିଛନ୍ତି । ଯାହ ଏବେ ଚର୍ଚ୍ଚାରେ । ବିଧାୟକ ନିଜ ଗାଁରେ ଥିବା ଖେତରେ ନିଜେ ଧାନ କାଟିଛନ୍ତି। ସ୍ଥାନୀୟ ହଲିଆ ଗୀତରେ ସେ ନିଜେ ହାତରେ ଦା’ ଧରି ଧାନ କାଟିଛନ୍ତି। ବିଧାୟକ ଧାନ କାଟୁଥିବା ବେଳର ଭିଡିଓ ଏବେ ବେଶ ଭାଇରାଲ ହେବାରେ ଲାଗିଛି।  ନିଜ ଖେତରେ ନିଜେ କାମ କରିବାକୁ ବିଧାୟକ ଆଗେଇ ଆସିଛନ୍ତି।  ଯାହା ଏବେ ବେଶ ଚର୍ଚ୍ଚାରେ ରହିଛି । ବିଧାୟକ ମୁକେଶ ମହାଲିଙ୍ଗ ପ୍ରଥମଥର ବିଧାୟକ ହୋଇଥିଲେ ମଧ୍ୟ ବିଧାନସଭାରେ ତାଙ୍କର ପ୍ରଦର୍ଶନ ବେଶ ଉଚ୍ଚକୋଟିର ରହିଆସିଛି । ଆଞ୍ଚଳିକ ରାଜ୍ୟ ଓ ଲୋକଙ୍କ ସ୍ବାର୍ଥ ସମ୍ବଳିତ ପ୍ରସଙ୍ଗକୁ ଦୃଢ ଭାବେ ମୁକେଶ ବିଧାନସଭାରେ ଉପସ୍ଥାପନା କରିଥାନ୍ତି ।  

ଇଟିଭି ଭାରତ, ବଲାଙ୍ଗୀର