ମାନବିକତା ଦେଖାଇଲେ ବିଧାୟିକା ଲତିକା ପ୍ରଧାନ, ବେହୋସ ଛାତ୍ରୀଙ୍କୁ ଡାକ୍ତରଖାନାରେ ପହଞ୍ଚାଇଲେ

ଭୁବନେଶ୍ବର: ମାନବିକତାର ପରିଚୟ ଦେଲେ ବିଧାୟିକା । କବିସୂର୍ଯ୍ୟନଗରର ବିଜେଡି ବିଧାୟିକା ଲତିକା ପ୍ରଧାନ ବଡପଣ ଦେଖାଇଛନ୍ତି । ରାସ୍ତାରେ ବେହୋସ ହୋଇ ପଡ଼ିଥିବା ଜଣେ ସ୍କୁଲ ଛାତ୍ରୀଙ୍କୁ ନିଜ ଗାଡ଼ିରେ ନେଲେ ହସ୍ପିଟାଲରେ ପହଞ୍ଚାଇଛନ୍ତି । କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ କୌଣସି ଏକ କାମରେ ସୌରା ଛଚିନା ପଟୁ କୋଦଳା ଅଭିମୁଖେ ଯାଉଥିଲେ । ଏହି ସମୟରେ ବେଗୁନିଆପଡା ସ୍ଥିତ ପେଟ୍ରୋଲ ପମ୍ପ ନିକଟରେ ଜଣେ ସ୍କୁଲ ଛାତ୍ରୀ ବେହୋସ ହୋଇ ପଡ଼ିଥିଲେ । ଛାତ୍ରୀଙ୍କୁ ଦେଖି ତାଙ୍କ ଗାଡ ଅଟକାଇଥିଲେ ବିଧାୟିକା ଲତିକା ପ୍ରଧାନ । ବିଧାୟିକା ନିଜେ ଗାଡିରୁ ଓହ୍ଲାଇ ଛାତ୍ରୀଙ୍କ ପାଖକୁ ଯାଇ ସ୍ୱାସ୍ଥ୍ୟ ଅବସ୍ଥା ପଚାରି ବୁଝିଥିଲେ । ଏହା ପରେ ଛାତ୍ରୀ ଜଣଙ୍କୁ ବିଧାୟିକା ନିଜେ ନିଜ ଗାଡ଼ିରେ ସଙ୍ଗେ ସଙ୍ଗେ କୋଦଳା ହସ୍ପିଟାଲକୁ ନେଇ ଯାଇଥିଲେ । ନିଜେ ଛାତ୍ରୀ ଜଣଙ୍କୁ ଗାଡିରୁ ଓହ୍ଲାଇ ବେଡ଼କୁ ନେବା ସହ ଛାତ୍ରୀର ଉତ୍ତମ ଚିକିତ୍ସା ବ୍ୟବସ୍ଥା କରାଇଥିଲେ । ଏଥିସହ ଛାତ୍ରୀର ଉତ୍ତମ ଚିକିତ୍ସା ପାଇଁ ଡାକ୍ତରଙ୍କୁ ନିର୍ଦ୍ଦେଶ ଦେଇଛନ୍ତି । ବର୍ତ୍ତମାନ ଛାତ୍ରୀଜଣଙ୍କ ସ୍ବାସ୍ଥ୍ୟବସ୍ଥା ଭଲ ରହିଛି । ବିଧାୟିକା ଲତିକା ପ୍ରଧାନଙ୍କ ଏହି କାର୍ଯ୍ୟକୁ ବିଭିନ୍ନ ମହଲରେ ପ୍ରଶଂସା କରାଯାଇଛି ।

ଇଟିଭି ଭାରତ, ଭୁବନେଶ୍ବର