ଜୟପୁରରେ କଂଗ୍ରେସର ବିଶାଳ ଶୋଭାଯାତ୍ରା, ଏହା ଖାଲି ଝଲକ କହିଲେ ତାରା

କୋରାପୁଟ: ଜ଼ିଲ୍ଲା ଜୟପୁର ନିର୍ବାଚନ ମଣ୍ଡଳୀ କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତିଙ୍କ ନେତୃତ୍ୱରେ ବିଶାଳ ସମ୍ବର୍ଦ୍ଧନା ସଭା ସମ୍ବିଳନୀ ଅନୁଷ୍ଠିତ ହୋଇଛି l ଏହି କାର୍ଯ୍ୟକ୍ରମରେ ସାନଖମୁଣ୍ଡି ବିଧାୟକ ରମେଶ ଜେନା, ଖଡ଼ିଆଳ ବିଧାୟକ ଅଧିରାଜ ପାଣିଗ୍ରାହୀ ଯୋଗ ଦେଇଥିଲେ l ଜୟପୁର ଗ୍ଲୋକାଲ ହସ୍ପିଟାଲ ଠାରୁ ଏକ ବିରାଟ ରାଲିରେ ବାହାରି ଜୟପୁର ପଡିଆ ଠାରେ ପହଞ୍ଚିଵା ପରେ ଏକ ସଭା ଆୟୋଜନ କରାଯାଇଥିଲା l ଏହି ରାଲିରେ ପାଞ୍ଚ ହଜାରରୁ ଊର୍ଦ୍ଧ୍ବ କଂଗ୍ରେସ କର୍ମୀ ଯୋଗ ଦେଇଥିଲେ । କଂଗ୍ରେସର ନୂତନ କରି ଯୋଗ ଦେଇଥିବା କର୍ମୀ ଓ କଂଗ୍ରେସର ବିଭିନ୍ନ ପଦ ପଦବୀରେ ଯୋଗ ଦେଇଥିବା କର୍ମୀମାନଙ୍କୁ ବିଧାୟକ ତାରା ପ୍ରସାଦ ବାହିନୀପତି ସ୍ବାଗତ କରିଥିଲେ । ଦୁର୍ନୀତି ହଟାଇବା ନୂଆଁ ଓଡିଶା ଗଠନ କରିବା ସ୍ଲୋଗାନ ନେଇ କଂଗ୍ରେସ ଏହି ବିଶାଳ ରାଲି ଆୟୋଜିତ କରିଥିଲା । ବିଜେଡ଼ି ଓ ବିଜେପି ଦଳରୁ କିଛି କର୍ମୀ ମଧ୍ୟ କଂଗ୍ରେସରେ ଯୋଗ ଦେଇଥିଲେ । ରାଜ୍ୟ ସରକାରଙ୍କ ଶାସନରେ ହେଉଥିବା ଦୁର୍ନୀତିକୁ ନେଇ ବିଧାୟକ ତାରା ପ୍ରସାଦ ବାହିନୀପତି ବର୍ଷିଥିଲେ l କଂଗ୍ରେସ ଅମଳରେ ହୋଇଥିବା କାର୍ଯ୍ୟକୁ ରାଜ୍ୟ ସରକାର ନିଜ ନାମରେ କରି ଜନତାଙ୍କୁ ଭଣ୍ଡାଉଛି l ଆଗାମୀ ସାଧାରଣ ନିର୍ବାଚନରେ କଂଗ୍ରେସ ଏହାର ଉଚିତ୍‌ ଜବାବ ଦେବ ବୋଲି ବିଧାୟକ ତାରା ପ୍ରସାଦ ବାହିନୀ କହିଛନ୍ତି ।

ଇଟିିଭି ଭାରତ, କୋରାପୁଟ