ହାଇଦ୍ରାବାଦ: ରକ୍ତ କର୍କଟ(Blood cancer), ଯାହାକୁ ହେମାଟୋଲୋଜିକ୍ କ୍ୟାନସର ବୋଲି ମଧ୍ୟ କୁହାଯାଏ । ଏହି କ୍ୟାନସର ରକ୍ତ କଣିକାଗୁଡିକୁ ପ୍ରଭାବିତ କରିଥାଏ । କେତେକ ସମୟରେ ରକ୍ତ କୋଶ ଗୁଡିକ ଅସ୍ବାଭାବିକ ଭାବେ ବଢିବାରେ ଲାଗିଥାନ୍ତି । ଫଳରେ ସେଗୁଡିକ ଠିକ ଭାବେ କାମ କରନ୍ତି ନାହିଁ । ସେହି ସମୟରେ ବ୍ୟକ୍ତି ରକ୍ତ କର୍କଟ ରୋଗର ଶିକାର ହୋଇଥାଏ । ଏହି ରୋଗ ରକ୍ତ କୋଶରୁ ଆରମ୍ଭ କରି ଅସ୍ଥି ଶଲ୍ୟ ପର୍ଯ୍ୟନ୍ତ ପ୍ରଭାବ ପକାଇଥାଏ ।
କେତେକ ରୋଗୀଙ୍କ କ୍ଷେତ୍ରରେ ଶ୍ବେତ ରକ୍ତ କଣିକା( White Blood Cells) ପ୍ରଭାବିତ ହୋଇଥାଏ । ସେହିପରି ଆଉ କେତେକ ରୋଗୀଙ୍କ କ୍ଷେତ୍ରରେ ଲିମ୍ଫୋମା( Lymphatic System) ପ୍ରଭାବିତ ହୋଇଥାଏ । ଅନେକକଙ୍କ କ୍ଷେତ୍ରରେ ମାୟଲୋମା(Plasma Cells) ମଧ୍ୟ ପ୍ରଭାବିତ ହେଉଥିବା ଦେଖିବାକୁ ମିଳେ ।
ଆପଣଙ୍କ ପାଖରେ ଏହି ସବୁ ଲକ୍ଷଣ ରହିଛି କି ? ହୋଇପାରେ ଗର୍ଭାଶୟ କର୍କଟ... - CERVICAL CANCER SYMPTOMSବାର୍ଦ୍ଧକ୍ୟ ଏବଂ ମଧୁମେହ ଆକ୍ରାନ୍ତଙ୍କ କ୍ଷେତ୍ରରେ ଅଧିକ ବିପଜ୍ଜନକ କ୍ୟାନସର: IISର ଗବେଷଣାରେ ଖୁଲାସା - IISC RESEARCH ON CAN |
ଲ୍ୟୁକୋମିୟା: ରକ୍ତ ସହ ଅସ୍ଥିଶଲ୍ୟ (Bone Marrow) ପ୍ରଭାବିତ ହେଉଥିଲେ ଏହାକୁ ଲ୍ୟୁକୋମିୟା କ୍ୟାନସର ବୋଲି କୁହାଯାଏ । ଏହାଦ୍ବାରା ଶରୀରରେ ଶ୍ବେତ ରକ୍ତ କଣିକା ଗୁଡିକ ଅସ୍ବାଭାବିକ ଭାବେ ବୃଦ୍ଧି ପାଇଥାଏ । ଏହି କ୍ୟାନସର ସୁସ୍ଥ ରକ୍ତକୋଶଗୁଡିକୁ କ୍ଷତି ପହଞ୍ଚାଇଥାଏ । ଫଳରେ ରୋଗ ପ୍ରତିରୋଧକ ଶକ୍ତି କମିଥାଏ ।
ଲିମ୍ଫୋମା: ପ୍ରଥମେ ଏହା ଟ୍ୟୁମର ରୂପରେ ସୃଷ୍ଟି ହୋଇଥାଏ । ଆଉ ଧୀରେ ଧୀରେ ଶରୀରର ଅନ୍ୟ ଅଙ୍ଗ ପ୍ରତ୍ୟଙ୍ଗକୁ କାୟା ବିସ୍ତାର କରିଥାଏ । ଏହି ରୋଗରେ ହାଡରେ ପ୍ରବଳ କଷ୍ଟ ଅନୁଭୂତ ହୋଇଥାଏ ।
ମାୟଲୋମା: ଏହା ପ୍ଲାଜମା କୋଶରୁ ଉତ୍ପନ୍ନ ହୋଇଥାଏ । ଏହା ହେଉଛି ଏପରି ଏକ ଶ୍ବେତ ରକ୍ତ କଣିକା, ଯାହାକି ଆଣ୍ଟିବଡି ଉତ୍ପାଦନ କରିଥାଏ । ଆଉ ଏହି WBC ଗୁଡିକ ଅସ୍ଥି ମଜାରେୋ ଜମା ହୋଇଯାଏ । ଏସବୁ ଅନ୍ୟ ରକ୍ତକୋଶ ବୃଦ୍ଧିରେ ବାଧା ସୃଷ୍ଟି କରିଥାଏ ।
ଲକ୍ଷଣ: ଲଗାତାର ଥକ୍କାପଣ ଅନୁଭୂତ ହେବା, ଓଜନ ହ୍ରାସ ହେବା, ଛୋଟ କ୍ଷତରୁ ପ୍ରବଳ ରକ୍ତ ବାହାରିବା ଏବଂ ରାତିରେ ଝାଳ ବାହାରିବା । ଏହାସହ ବ୍ଲଡ କ୍ୟାନସରର ଅନ୍ୟ ଲକ୍ଷମ ଗୁଡିକ ହେଉଛି ହାଡରେ ଯନ୍ତ୍ରଣା, ପେଟରେ ଯନ୍ତ୍ରଣା କିମ୍ବା ପୋଟ ପୂରିଲା ଭଳି ସବୁବେଳେ ଲାଗିବା ।
(DISCLAIMER: ଉପରୋକ୍ତ ସୂଚନା କେବଳ ସମ୍ୟକ ଧାରଣା ପାଇଁ । ବୈଜ୍ଞାନିକ ଅନୁସନ୍ଧାନ ଏବଂ ଡାକ୍ତରଙ୍କ ପରାମର୍ଶ ଉପରେ ଏହା ଆଧାରିତ । ଚିକିତ୍ସା କିମ୍ବା ସ୍ବାସ୍ଥ୍ୟ ସମ୍ବନ୍ଧୀୟ ପରାମର୍ଶ ପାଇଁ ଡାକ୍ତରଙ୍କ ସହ ପରାମର୍ଶ କରିବା ଜରୁରୀ ।)
