ଅଗ୍ନିକାଣ୍ଡରେ ପୋଡିଗଲା ୧୫ ବଖରା ଘର, ୧୦ ପରିବାର ସର୍ବଶାନ୍ତ

ଢେଙ୍କାନାଳ: ଭୟଙ୍କର ଅଗ୍ନିକାଣ୍ଡରେ ପୋଡିଗଲା ୧୫ ବଖରା ଘର । ଜଳି ପୋଡି ପାଉଁଶ ହୋଇଗଲା ଲକ୍ଷାଧିକ ଟଙ୍କାର ସମ୍ପତ୍ତି । ୧୦ଟି ପରିବାର ଲୋକେ ସର୍ବଶାନ୍ତ । ଏପରି ଅଭାବନୀୟ ଘଟଣା ଦେଖିବାକୁ ମଳିଛି ଢେଙ୍କାନାଳ ଜିଲ୍ଲା ପ୍ରସାଡ଼ଗ୍ରାମରେ । ଗତକାଲି(ବୁଧବାର) ଗୋଟିଏ ବଖାରରୁ ଧୀରେଧୀରେ ୧୫ଟି ବଖରାରେ ନିଆଁ ଲାଗି ଜଳି ପୋଡି ପାଉଁଶ ହୋଇଗଲା । ଆଖି ଆଗରେ ଗଚ୍ଛିତ ହୋଇ ରଖାଯାଇଥିବା ବର୍ଷକର ଧାନ, ଗହମ ସବୁକିଛି ଜଳି ପୋଡି ପାଉଁଶ ହୋଇଗଲା । ଖବର ପାଇ ଢେଙ୍କାନାଳ ଓ ରାଷୋଳରୁ ଅଗ୍ନିଶମ ନିଆଁକୁ ଆୟତ୍ତ କରିଥିଲେ ମାତ୍ର ଅଗ୍ନିଶମ ପହଞ୍ଚିବା ପୂର୍ବରୁ ୧୫ ବଖରା ଜଳିପୋଡି ପଉଁଶ ହୋଇଯାଇଥିଲା । ଅଗ୍ନିକାଣ୍ଡର ପ୍ରକୃତ କାରଣ ଜଣାପଡିନଥିବା ବେଳେ ଏହା ସଟସର୍କିଟ ଯୋଗୁ ନିଆଁ ଲାଗିଯାଇଥିବା ଅନୁମାନ କରାଯାଉଛି । ଅଗ୍ନି ବିପନ୍ନଙ୍କୁ ପଞ୍ଚାୟତ ତରଫରୁ ସୁଖିଲା ଖାଦ୍ୟ ଦେବା ସହ ସଙ୍ଗେସଙ୍ଗେ ପାଲ ବ୍ୟବସ୍ଥା କରାଯାଇଛି ।  ତେବେ ସୂଚନା ମୁତାବକ  ଘଟଣାସ୍ଥଳରେ ଜିଲ୍ଲାପାଳ ଓ ବିଡ଼ିଓ ପହଁଞ୍ଚି  ଅଗ୍ନି ଵିପନଙ୍କ କ୍ଷୟକ୍ଷତି ଆକଳନ କରି ସେମାନଙ୍କୁ ସମସ୍ତ ପ୍ରକାର ସହାୟତା ଯୋଗାଇ ଦିଆଯିବା ନେଇ ପ୍ରତିଶ୍ରୁତି ଦେଇଛନ୍ତି  । ଆଜି ଅଗ୍ନିବିପ୍ପନା ମାନଙ୍କୁ ଶୁଖିଲା ଖାଦ୍ୟ ଓ ରନ୍ଧା ଖାଦ୍ୟ ଦିଆଯାଇଛି  ।

ଇଟିଭି ଭାରତ, ଢେଙ୍କାନାଳ