Noida: କାଗଜ ଡଙ୍ଗା ପରି ପାଣିରେ ଭାସୁଛି ଶହ ଶହ କାର, ଦେଖନ୍ତୁ ଭିଡିଓ

ନୋଏଡା: କାଗଜ ଟୁକୁଡା ପରି ପାଣିରେ ଭାସୁଛି କାର । ଗୋଟିଏ କି ଦୁଇଟି ନୁହେଁ ଶହ ଶହ ସଂଖ୍ୟାରେ କାର ବନ୍ୟା ପାଣିରେ ବୁଡି ରହିଛି । ନୋଏଡାରେ ଏପରି ଅଭାବନୀୟ ଘଟଣା ଦେଖିବାକୁ ମିଳିଛି । ଅଟୋମୋବାଇଲ ଉଦ୍ୟୋଗ ପାଇଁ ସମଗ୍ର ଦେଶରେ ଜଣାଶୁଣା ସହରର ଇକୋଟେକ-3 ଏରିଆରେ ଏପରି ଦୃଶ୍ୟ ଦେଖିବାକୁ ମିଳିଛି । ସ୍ଥାନୀୟ ହିଣ୍ଡନ ନଦୀରେ ବନ୍ୟା ଆସିବା କାରଣରୁ ପାର୍କିଂ ହୋଇଥିବା ଶତାଧିକ କାର ବୁଡି ଯାଇଛି । କେବଳ କାରଗୁଡିକର ଉପର ଅଂଶ ଦେଖାଯାଉଥିବା ବେଳେ ଏହାର ପୁରା ବଡି ପାଣିରେ ବୁଡିରହିଛି । 

ମିଳିଥିବା ସୂଚନା ଅନୁସାରେ, ଲଗାଣ ବର୍ଷା ପରେ ହଠାତ ହିଣ୍ଡନ ନଦୀରେ ଜଳସ୍ତର ବୃଦ୍ଧି ପାଇଥିଲା । ମାତ୍ର କିଛି ଘଣ୍ଟା ମଧ୍ୟରେ ଜଳସ୍ତର ଏହି ପାର୍କିଂ ପ୍ଲେସକୁ ମଧ୍ୟ ବୁଡାଇ ଦେଇଥିଲା । ଫଳରେ ଶତାଧିକ କାର ବୁଡି ଯାଇଛି । ପାଣି ଛାଡିବା ପରେ ମଧ୍ୟ ଏହି କାରଗୁଡିକୁ ମରାମତି ବିନା ବ୍ୟବହାରଯୋଗ୍ଯ କରାଯାଇ ନପାରେ ବୋଲି ଅନୁମାନ କରାଯାଉଛି । ଦେଖନ୍ତୁ ଭିଡିଓ