Mangala Alati: ଦର୍ଶନ କରନ୍ତୁ ପତିତପାବନଙ୍କ ମଙ୍ଗଳ ଆଳତୀ

ପୁରୀ: ଓଡ଼ିଆ ଜାତିର ଆରାଧ୍ୟ ଦେବତା ମହାପ୍ରଭୁ ଶ୍ରୀଜଗନ୍ନାଥ । କୋଟି ଓଡ଼ିଆଙ୍କ ମଉଡମଣି । ବିଶ୍ବ ନିୟନ୍ତା, ବ୍ରହ୍ମାଣ୍ଡ ଠାକୁର । କାଳିଆ ଠାକୁରଙ୍କ ମହିମା ଅପାର  । ଭାବ ବିନୋଦିଆ ଠାକୁର ସେ  । ଭକ୍ତର ଭଗବାନ । ତାଙ୍କର ଦର୍ଶନ ଟିକିଏ ପାଇଁ ସଦା ବ୍ୟାକୁଳ ଥାଏ ଭକ୍ତ । ସାତ ଦରିଆ ଡେଇଁ ଶ୍ରଦ୍ଧାଳୁ ପହଞ୍ଚି ଶ୍ରୀକ୍ଷେତ୍ରରେ  । ନିତିଦିନ ବଡଦେଉଳରେ ହଜାର ହଜାର ଭକ୍ତଜନଙ୍କ ଗହଳି ଜମେ  । ପତିତମାନଙ୍କୁ ଉଦ୍ଧାରିବା ପାଇଁ ଧରାଧାମରେ ଅବତାର ନେଇଛନ୍ତି ମହାପ୍ରଭୁ  । ଜଗତର ମଙ୍ଗଳ କାମନା କରି ପ୍ରତ୍ୟହ ବଡି ଭୋରରୁ ପ୍ରଭୁ ପତିତପାବନଙ୍କ ନିକଟରେ କରାଯାଏ ମଙ୍ଗଳ ଆଳତୀ  । ସବୁଦିନ ଭଳି ଆଜି ବି ଶ୍ରୀମନ୍ଦିର ଦ୍ବାରଫିଟା ନୀତି ସମ୍ପନ୍ନ ପରେ ମଙ୍ଗଳ ଆଳତୀ ନୀତି ସମ୍ପନ୍ନ ହୋଇଛି  । ସେବାୟତମାନେ ଧୂପ, ଘଣ୍ଟି ଓ ମନ୍ତ୍ରୋପଚାରଣ ସହ ଆଳତୀ କରିଛନ୍ତି  । ବିଶ୍ବାସ ରହିଛି, ଏହି ଆଳତୀ ଦର୍ଶନ ମାତ୍ରେ ସମସ୍ତ ପାପ କ୍ଷୟ ହୋଇ ଅପାର କରୁଣା ପ୍ରାପ୍ତ ହୋଇଥାଏ  ।

ଇଟିଭି ଭାରତ, ପୁରୀ