ଉଦଘାଟିତ ହେଲା ଲୋକ ମହୋତ୍ସବ ମଣ୍ଡେଇ

ନବରଙ୍ଗପୁର: ନବରଙ୍ଗପୁର ଜିଲ୍ଲା ଝରିଗାଁ ବ୍ଲକର ଅନ୍ୟତମ ପର୍ଯ୍ୟଟନସ୍ଥଳ ଚନ୍ଦନଧାରା ଠାରେ ଲୋକ ମହୋତ୍ସବ ମଣ୍ଡେଇ ୨୦୨୩ର ଶୁଭ ଉଦଘାଟନ ହୋଇଯାଇଛି । ଏହି ମଣ୍ଡେଇ କାର୍ଯ୍ୟକ୍ରମ ଆସନ୍ତା ୧୦ ତାରିଖରୁ ଆରମ୍ଭ ହୋଇ ୧୩ ତାରିଖରେ ସରିବ । ଏଥିସହ ପଲ୍ଲିଶ୍ରୀ ମେଳା ୧୩ ଓ ୧୪  ଦୁଇ ଦିନ ସ୍ଥାନୀୟ କଳାକାରଙ୍କୁ ନେଇ ପଲ୍ଲିଶ୍ରୀ ମେଳା ଅନୁଷ୍ଠିତ ହେବ । ତେବେ ଜିଲ୍ଲାର ସଂସ୍କୃତି, କଳା ଓ ଲୁକାୟିତ ପ୍ରତିଭାକୁ ଲୋକଲୋଚନକୁ ଆଣିବା ପାଇଁ ଏହି ମଣ୍ଡେଇ ପାଳନ କରାଯାଇଥାଏ । ତେବେ ଏହି ମଣ୍ଡେଇ ମହୋତ୍ସବର ଶୁଭାରମ୍ଭ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ସାଂସଦ ରମେଶ ଚନ୍ଦ୍ର ମାଝୀ, ଜିଲ୍ଲାପାଳ ଡ କମଳ ଲୋଚନ ମିଶ୍ରଙ୍କ ସହ ତିନି ବିଧାୟକ ଓ ସମସ୍ତ ଲୋକ ପ୍ରତିନିଧି ଯୋଗ ଦେଇଥିଲେ । ପ୍ରଥମେ ଚନ୍ଦନେଶ୍ୱର ମନ୍ଦିର ଠାରୁ ପୂଜାର୍ଚ୍ଚନା ପରେ ମଶାଲ ଧରି ଶୋଭାଯାତ୍ରାରେ ସଭାସ୍ଥଳକୁ ଆସିଥିଲେ । ଏହାପରେ ସେଠାରେ ଏକ ସଭାର ଆୟୋଜନ କରାଯାଇଥିଲା । ପରେ ବିଭିନ୍ନ ସାଂସ୍କୃତିକ ଦଳ ଦ୍ବାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।  

ଏହା ମଧ୍ୟ ପଢନ୍ତୁ - ଝୁମିବେ ନବରଙ୍ଗପୁରବାସୀ, ଡିସେମ୍ବର ୧୦ରୁ ମଣ୍ଡେଇ ଲୋକ ମହୋତ୍ସବ
 

ଇଟିଭି ଭାରତ, ନବରଙ୍ଗପୁର