ବିଦ୍ୟୁତ ସଂସ୍ପର୍ଶରେ ଆସି ଯୁବକ ମୃତ, କ୍ଷତିପୂରଣ ଦାବି

Electrocution Death: ନିଆଳି: ବିଦ୍ୟୁତ ତାର ସଂସ୍ପର୍ଶରେ ଆସି ଯୁବକ ମୃତ । ଏଭଳି ଘଟଣା ଘଟିଛି କଟକ ସଦର ଥାନା ଅନ୍ତର୍ଗତ କୋଠାପାଟଣା ଅନ୍ତର୍ଗତ ଅରିଲୋ ଗ୍ରାମରେ । ତେବେ ମୃତକ ଜଣକ ଉକ୍ତ ଗ୍ରାମର ଦାମୋଦର ମହାନ୍ତି ବୋଲି ଜଣାପଡିଛି । ସୂଚନା ମୁତାବକ,  ଦାମୋଦର ପ୍ରତାପ ନଗରୀ ସ୍ଥିତ ଇରିଗେସନ ବିଭାଗ ରେ ଅସ୍ଥାୟୀ କର୍ମଚାରୀ ଭାବେ କାର୍ଯ୍ୟ କରୁଥିଲେ । ଏନେଇ ଗତକାଲି ଦାମୋଦର କୋଠାପାଟଣା ଠାରେ ଓଲଟପୁର ମାଇନର କେନାଲରେ ଲେବଲିଂ କାମ କରୁଥିବା ସମୟରେ ୧୧ କେଭି ବିଦ୍ୟୁତ ସଂସ୍ପର୍ଶରରେ ଆସିଥିଲେ । ଘଟଣାସ୍ଥଳରେ ସ୍ଥାନୀୟ ଲୋକ ତୁରନ୍ତ ତାଙ୍କୁ ନିକଟସ୍ଥ ମହିଧରପଡା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତାଙ୍କ ମୃତ୍ୟୁ ଖବର ପାଇ ସବୁଠି ଶୋକର ଛାୟା ଖେଳିଯାଇଥିବା କ୍ଷତିପୂରଣ ଦାବି କରିଛନ୍ତି ପରିବାର ଲୋକେ । ଅନ୍ୟପଟେ କଟକ ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଘଟଣାର ତଦନ୍ତ କରିଛି । 

ଇଟିଭି ଭାରତ, ନିଆଳି