Watch Video: ବିଦ୍ୟୁତ ତାରରେ ଫସି ଛଟପଟ ହେଉଥିଲା ପାରା, ମାନବିକତା ଦେଖାଇଲେ ଲାଇନମ୍ୟାନ

ବେଙ୍ଗାଲୁରୁ: ମାନବିକତା ଦେଖାଇଲେ ଲାଇନମ୍ୟାନ । ବିଦ୍ୟୁତ ଖୁଣ୍ଟରେ ଫସି ରହିଥିବା ପାରାକୁ ଉଦ୍ଧାର କଲେ । କର୍ଣ୍ଣାଟକର ଦକ୍ଷିଣାଞ୍ଚଳ କଡାବାରେ ଏଭଳି ଘଟଣା ଘଟିଛି । ଶନିବାର ସକାଳେ କଡାବା ଅଞ୍ଚଳରେ ଥିବା ବିଦ୍ୟୁତ ଖୁଣ୍ଟ ତାର ଉପରେ ଏକ ପାରା ଆସି ବସିଥିଲା । ହଠାତ୍ ତାରରେ ପାରାର ଗୋଡ଼ିଟି ଫସିଯାଇଥିଲା । ଦୀର୍ଘ ଦେଢ ଘଣ୍ଟା ଧରି ପାରାଟି ବିଦ୍ୟୁତ ତାରରେ ଝୁଲି ରହିଥିଲା । ସେଠାରେ ଯାତାୟତ କରୁଥିବା ସ୍ଥାନୀୟ ଲୋକେ ଏନେଇ ବିଦ୍ୟୁତ ବିଭାଗକୁ ଖବର ଦେଇଥିଲେ । ସୂଚନା ପାଇ ଲାଇନମ୍ୟାନ ଗୁରୁମୂର୍ତ୍ତି ଘଟଣାସ୍ଥଳରେ ପହଞ୍ଚି ସଙ୍ଗେ ସଙ୍ଗେ ବିଦ୍ୟୁତ ସଂଯୋଗ ବିଚ୍ଛିନ୍ନ କରିଥିଲେ । ଏହାପରେ ସେ ବିଦ୍ୟୁତ ପୋଲ ଉପରକୁ ଚଢ଼ି ପାରାଟିକୁ ସୁରକ୍ଷିତ ଉଦ୍ଧାର କରିଥିଲେ । ପାରାର ଗୋଡ଼ରେ ଲାଗିଥିବା ତାରକୁ ବାହାର କରି ତାକୁ ଛାଡ଼ି ଦିଆଗଲା । ଗୁରୁମୂର୍ତ୍ତିଙ୍କ ସାହାସୀକତା କାର୍ଯ୍ୟ ପାଇଁ ସ୍ଥାନୀୟ ଲୋକେ ତାଙ୍କୁ ପ୍ରଶଂସା କରିବା ସହ ପାରା ଜୀବନ ବଞ୍ଚାଇଥିବାରୁ କୃତଜ୍ଞତା ଜଣାଇଛନ୍ତି ।