ବିଧାନସଭାରେ ବାଚସ୍ପତିଙ୍କ ପାଦ ଧରିଲେ ବିଜେପି ବିଧାୟକ, ଦେଖନ୍ତୁ ଭିଡିଓ

ରାଞ୍ଚି: ବିଧାନସଭାରେ ହଟ୍ଟଗୋଳ କିମ୍ବା ଧାରଣ ଅତି ସ୍ବାଭାବିକ ଘଟଣା । କିନ୍ତୁ ବାଚସ୍ପତିଙ୍କ ଗୋଡ ଧରିଲେ ବିଧାୟକ । ଏପରି ଏକ ଭିନ୍ନ ଘଟଣାକ୍ରମ ଦେଖିବାକୁ ମିଳିଛି ଝାଡଖଣ୍ଡ ବିଧାନସଭାରେ । ମୌସୁମୀ ଅଧିବେଶନ ଜାରି ରହିଥିବା ବେଳେ ବାଚସ୍ପତି ରବିନ୍ଦ୍ରନାଥ ମହତୋ ବିଧାନସଭା ଗୃହକୁ ପ୍ରବେଶ କରିବା ମାତ୍ରେ ବିଜେପି ବିଧାୟକମାନେ ତାଙ୍କ ପାଦ ତଳେ ପଡି ଯାଇଥିବା ଦେଖିବାକୁ ମିଳିଥିଲା । ଦଳୀୟ ବିଧାୟକଙ୍କ ନିଲମ୍ବିତ ନିଷ୍ପତ୍ତି ପ୍ରତ୍ୟାହାର କରିବା ପାଇଁ ବିଜେପି ବିଧାୟକମାନେ ଏପରି କରିିଥିବା ଜଣାପଡିଛି । ବାଚସ୍ପତି ମଧ୍ୟ ନିଲମ୍ବନ ପ୍ରତ୍ୟାହାର କରିବା ପାଇଁ ସହମତି ପ୍ରକାଶ କରିବା ପରେ ବିଜେପି ବିଧାୟକମାନେ ଧାରଣାରୁ ଓହରିଥିଲେ । ଦେଖନ୍ତୁ ଭିଡିଓ