IPL 2023: କିଙ୍ଗ ଖାନଙ୍କଠୁ ନାଚ ଶିଖିଲେ କିଙ୍ଗ କୋହଲି

କୋଲକାତା: ପଡିଆରେ ଚୌକା ଛକା ବର୍ଷା କରୁଥିବା କିଙ୍ଗ କୋହଲି ନାଚ ଶିଖିବାକୁ ମନ ବଳାଇଛନ୍ତି । ନାଚ ଶିଖିଲେ ଷ୍ଟେପ ମଧ୍ୟ କଲେ । ଶାହରୁଖ ଖାନ କୋହଲିଙ୍କୁ ଝୁମେ ଜୋ ପଠାନ ଷ୍ଟେପ ଶିଖାଇଲେ । ଫଟାଫଟା କ୍ରିକେଟ ଟୁର୍ଣ୍ଣାମେଣ୍ଟରେ କିଛି ଏଭଳି ଦୃଶ୍ୟ ଦେଖିବାକୁ ମଳିଛି । ଆଇପିଏଲ ଚଳିତ ସଂସ୍କରଣରେ କୋଲକାତାର ଇଡେନ ଗାର୍ଡେନରେ ନବମ ମୁକାବିଲା ଥିଲା । ଏଥିରେ କୋଲକାତା ନାଇଟ ରାଇଡର୍ସ ଓ ରୟାଲ ଚାଲେଞ୍ଜର୍ସ ବାଙ୍ଗୋଲୋର ମଧ୍ୟରେ ମୁକାବିଲା ହୋଇଥିଲେ । ମ୍ୟାଚରେ ଶାହରୁଖ ଖାନଙ୍କ ଟିମ କୋଲକାତା ବିଜୟ ହାସଲ କରିଥିଲା । ମ୍ୟାଚ ପରେ ଶାହରୁଖ ଖାନ ପଡିଆକୁ ଆସିଥିଲେ । ବିରାଟ କୋହଲିଙ୍କୁ ଆଲିଙ୍ଗନ କରି କିଛି ସମୟ କଥା ହୋଇଥିଲେ । ଏହାରେ ଶାହରୁଖ ଖାନଙ୍କ ଅଭିନୀୟ ପଠାନ ଫିଲ୍ମର ଝୁମେ ଜୋ ପଠାନ ହୁକ ଷ୍ଟେପରେ ନାଚିଥିଲେ ଉଭୟ । ଶାହରୁଖ ଖାନ ବିରାଟ କୋହଲିଙ୍କୁ ଝୁମେ ଜୋ ପଠାନ ଗୀତର ଷ୍ଟେପ ଶିଖାଇଲେ । ଉଭୟଙ୍କ ଏହି ନାଚର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଯାହାକୁ ଖୁବ ପସନ୍ଦ କରୁଛନ୍ତି ଦର୍ଶକ ।