IPL 2023 Final: ଚେନ୍ନାଇକୁ ଜିତାଇଲେ ଜାଡେଜା, ପଡିଆରେ ପତ୍ନୀ ରିଭାବାଙ୍କୁ ପ୍ରେମଭରା ଆଲିଙ୍କନ

ଅହମ୍ମଦାବାଦ: ପଞ୍ଚମ ଥର ପାଇଁ ଆଇପିଏଲ ଚମ୍ପିଆନ ହୋଇଛି ଚେନ୍ନାଇ ସୁପର କିଙ୍ଗ୍‌ସ୍‌ । ଚେନ୍ନାଇର ଏହି ବିଜୟରେ କିଙ୍ଗ୍‌ ସାଜିଥିଲେ ଅଲରାଉଣ୍ଡର ରବୀନ୍ଦ୍ର ଜାଡେଜା । ଚାପ ଭିତରେ ହୋମ ଗ୍ରାଉଣ୍ଡରେ ଶେଷ 2 ବଲରେ ସେ ଯେଉଁ ଭଳି ଦଳକୁ ବିଜୟ ଭେଟି ଦେଇଛନ୍ତି ତାହା ଏବେ ଚର୍ଚ୍ଚାରେ । ଚେନ୍ନାଇକୁ ବିଜୟ ପାଇଁ ଶେଷ 2 ବଲରେ 10 ରନ ଆବଶ୍ୟକ ଥିଲା । ଫ୍ୟାନ୍ସ ନିରାଶ ହୋଇଯାଇଥିଲେ ମାତ୍ର ଜାଡେଜା ଚମତ୍କାର କରିଥିଲେ । ଶେଷ ଦୁଇ ବଲରେ ଛକା ଓ ଚୌକା ମାରି ଦଳକୁ ବିଜୟୀ କରାଇଥିଲେ ରବୀନ୍ଦ୍ର ଜାଡେଜା । ଏହା ପରେ ମ୍ୟାଚ ଦେଖୁଥିବା ଜାଡେଜାଙ୍କ ପତ୍ନୀ ତଥା ବିଧାୟିକା ରିବାଭାଙ୍କ ଆଖିରେ ଖୁସିର ଲୁହ ଦେଖିବାକୁ ମିଳିଥିଲା । ଆଇପିଏଲ ଫାଇନାଲ ମ୍ୟାଚରେ ଜାଡେଜାଙ୍କ ପତ୍ନୀ ରିବାଭା ଶାଢୀରେ ନଜର ଆସିଥିଲେ । ଚେନ୍ନାଇର ବିଜୟ ପରେ ସେ ପଡିଆକୁ ଆସିଥିଲେ । ଜାଡେଜା ପତ୍ନୀଙ୍କୁ ପ୍ରେମଭାରା ଆଲିଙ୍ଗନ କରିଥିଲେ । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।