IPL 2023: ଚମ୍ପିଆନ ଚେନ୍ନାଇର ସେଲିବ୍ରେସନ, ଦେଖନ୍ତୁ ଭିଡିଓ

ଅହମ୍ମଦାବାଦ: ବିଜୟକୁ ଶଦ୍ଦରେ ପ୍ରକାଶ କରିବାକୁ ଭାଷା ନାହିଁ । ସମସ୍ତଙ୍କ ମୁହଁରେ ହସ ଆଉ ହସ । ଆଇପିଏଲ ଫାଇନାଲ ମ୍ୟାଚରେ ଡିଫେଣ୍ଡିଂ ଚମ୍ପିଆନ ଗୁଜୁରାଟକୁ ହରାଇ ଅବିଶ୍ବସନୀୟ ବିଜୟ ହାସଲ କରିଛି ଚେନ୍ନାଇ ସୁପର କିଙ୍ଗ୍‌ସ । ପଞ୍ଚମ ଥର ପାଇଁ ଚମ୍ପିଆନ ହୋଇଛି ମହେନ୍ଦ୍ର ସିଂହ ଧୋନୀଙ୍କ ନେତୃତ୍ବାଧୀନ ଚେନ୍ନାଇ । ଯେଉଁଠୁ ଯେଉଁ ଦଳ ବପିକ୍ଷରେ ଦିନେ ଆଇପିଏଲ 16 ତମ ସଂସ୍କରଣର ଅଭିଯାନ ଆରମ୍ଭ କରିଥିଲା ସେହି ମାଟିରେ ସେହି ଦଳକୁ ହରାଇ ଟ୍ରଫି ହାତେଇଛି ସୁପର କିଙ୍ଗସ । ରୋମାଞ୍ଚକର ଫାଇନାଲ ମ୍ୟାଚରେ 5 ୱିକେଟରେ ଗୁଜୁରାଟକୁ ହରାଇ ବାଜି ମାରି ନେଇଛି ଧୋନୀ ବାହିନୀ । ବିଜୟ ସମ୍ଭାବନା ଛାଡି ଦେଇଥିବା ଫ୍ୟାନ୍ସ ଅଚାନକ ଝୁମି ଉଠିଥିଲେ । କାହା ଆଖିରେ ଖୁସିର ଲୁହ ଥିଲା ତ କିଏ ଆତ୍ମ ବିଭୋର ହୋଇଥିଲା । ବିଜୟ ପରେ ଫ୍ୟାନ୍ସଙ୍କଠୁ ନେଇ ସିଏସକେ ପ୍ଲେୟାର ସମସ୍ତେ ଝୁମିଛନ୍ତି । ଭିଡିଓରେ ଦେଖନ୍ତୁ ସେହି ସେଲିବ୍ରେସନର ମୁହୂର୍ତ୍ତ ।