ବାବା ମହାକାଳେଶ୍ବରଙ୍କ ଦର୍ଶନ କଲେ ଭାରତୀୟ କ୍ରିକେଟର

ଭୋପାଳ: ବାବା ମହାକାଳେଶ୍ବରଙ୍କ ଶରଣରେ ଭାରତୀୟ କ୍ରିକେଟର । ଆଜି ସକାଳୁ ଉଜ୍ଜୈନରେ ଥିବା ମହାକାଳେଶ୍ବର ମନ୍ଦିରରେ ଭୋଳାବାବାଙ୍କ ଭସ୍ମ ଆଳତୀ ଦର୍ଶନ କରିଛନ୍ତି ଭାରତୀୟ କ୍ରିକେଟର ତିଳକ ବର୍ମା, ଓ୍ବାଶିଂଟନ ସୁନ୍ଦର, ଜିତେଶ ଶର୍ମା ଓ ରବି ବିଷ୍ଣୋଇ । ଆଜି ଭୋର ସମୟରେ ମନ୍ଦିରର କବାଟ ଖୋଲିବା ପରେ ମହାକାଳେଶ୍ବରଙ୍କ ଭସ୍ମ ଆଳତୀ ହୋଇଥିଲା । ହଜାର ହଜାର ଶ୍ରଦ୍ଧାଳୁଙ୍କ ସହ ଏକାଠି ବସି ଏହି ଆଳତୀ ଦର୍ଶନ କରିଥିଲେ 4 ଭାରତୀୟ କ୍ରିକେଟର । ପ୍ରତିଦିନ ଉଜ୍ଜୟିନୀ ବାବା ମହାକାଳଙ୍କ ଦର୍ଶନ କରିବା ପାଇଁ ହଜାର ହଜାର ଭକ୍ତଙ୍କ ମନ୍ଦିରକୁ ସମାଗମ ହୋଇଥାଏ । ଖେଳାଳି ହୁଅନ୍ତୁ ବା ଫିଲ୍ମ ତାରକା କିମ୍ବା ରାଜନେତା ସମସ୍ତେ ବାବା ମହାକାଳଙ୍କୁ ଦର୍ଶନ କରି ଆଶୀର୍ବାଦ ନେଇଥାନ୍ତି । ନିକଟରେ ଭାରତୀୟ କ୍ରିକେଟର ଶିଖର ଧାଓ୍ବନ ଭଗବାନ ମହାକାଳଙ୍କ ଦର୍ଶନ କରିଥିଲେ ।