Hindu new year: କଟକରେ ଧୁମଧାମରେ ହିନ୍ଦୁ ନବ ବର୍ଷ ପାଳିତ

କଟକ: ରାଷ୍ଟ୍ରୀୟ ହିନ୍ଦୁ ନବବର୍ଷ । ଏହି ଉପଲକ୍ଷେ ସମଗ୍ର ଭାରତ ବର୍ଷରେ ବେଶ୍ ଧୁମଧାମରେ ପାଳନ କରାଯାଉଥିବା ବେଳେ ଏଥିରୁ ବାଦ ପଡ଼ିନାହିଁ ସିଲଭର ସିଟି । ପାଖାପାଖି ୪୦ରୁ ଊର୍ଦ୍ଧ୍ବ ସଂଗଠନମାନେ ମିଳିତ ଭାବେ ଏହି ଦିବସକୁ ପାଳନ କରିଛନ୍ତି । ରାଷ୍ଟ୍ରୀୟ ନବର୍ଷ ଉପଲକ୍ଷେ ଏକ ବିଶାଳ ଶୋଭାଯାତ୍ରା ବାହାର କରିଥିଲେ ସଂଗଠନମାନେ ପିଠାପୁର କାଳିଆ ଦଳନ ପାଖରୁ ଏହି ବିଶାଳ ଶୋଭାଯାତ୍ରା ବାହାରି କଟକର ବିଭିନ୍ନ ସାହିରେ ବୁଲି କଟକ ନୂଆପାଟଣା ପାଖରେ ପହଞ୍ଚିଥିଲା । 

ତେବେ ଏହି କ୍ରମରେ ବଜରଙ୍ଗ ଦଳ, ହିନ୍ଦୁ ନବବର୍ଷ ମହୋତ୍ସବ ସମିତି ଏହି ଦିବସକୁ ଧୁମଧାମରେ ପାଳନ କରିଛନ୍ତି । ତେଣୁ ଚଳିତ ବର୍ଷ ମାର୍ଚ୍ଚ 22ରେ ଏହି ପବିତ୍ର ଦିନକୁ କଟକରେ ବ୍ୟାପକ ଆୟୋଜନ କରାଯାଇଥିଲା । ଏହାସହ ହିନ୍ଦୁ ଧର୍ମ ଆଧାରରେ ସଂକୀର୍ତ୍ତନ, ଭଜନ ଆଦି ଗାନ କରାଯାଇ ଏହି ପବିତ୍ର ଦିନରେ ସହରବାସୀଙ୍କୁ ଏକ ସ୍ୱତନ୍ତ୍ର ବାର୍ତ୍ତା ପ୍ରଦାନ କରାଯାଇଛି । ବର୍ତ୍ତମାନ ସମୟରେ ମଣିଷ ଯେଉଁ ନିଜ ପରମ୍ପରାଠୁ ବିମୁଖ ହେଉଛି ତାହାକୁ ମନେ ପକାଇବା ପାଇଁ ଏହି ଆୟୋଜନ କରଯାଉଛି ବୋଲି ସ୍ପଷ୍ଟ କରିଛନ୍ତି କମିଟି ସଦସ୍ୟ। ଏହି ବିଶାଳ ରାଲିରେ ଶତାଧିକ ସଦସ୍ୟ ଯୋଗଦେଇଛନ୍ତି । ତେଣୁ ଏତେ ବଡ଼ ଆୟୋଜନ ପାଇଁ କଟକ ମହାନଗର ନିଗମ ଓ କମିଶନରେଟର ପୋଲିସ ମଧ୍ୟ ସାହାଯ୍ୟ ଯୋଗାଇଛନ୍ତି । 

ଇଟିଭି ଭାରତ, କଟକ