ପୁରୀରେ କାଳବୈଶାଖୀର ତାଣ୍ଡବ, ସାଧାରଣ ଜନଜୀବନ ଅସ୍ତବ୍ୟସ୍ତ

ପୁରୀ: ପୁରୀରେ କାଳବୈଶାଖୀର ତାଣ୍ଡବ ଲୀଳା । ପ୍ରବଳ ପବନ ଓ ବର୍ଷା କାରଣରୁ ରାସ୍ତା ଉପରେ ଗଛପଡ଼ି ଯାତାୟତ ବାଧାପ୍ରାପ୍ତ ।  ପୁରୀ ଭୁବନେଶ୍ଵର ଜାତୀୟ ରାଜପଥର ଚାରି ନଳାଠାରେ ମୁଖ୍ୟ ରାସ୍ତା ଉପରେ ଗଛ ପଡ଼ି ଯାତାୟତ ବାଧା ପ୍ରାପ୍ତ । ସେପଟେ ପ୍ରବଳ ପବନ ଯୋଗୁ ବଡ଼ଦାଣ୍ଡ ମରିଚିକୋଟ ଛକରେ ଥିବା ଶ୍ରୀମନ୍ଦିର ପ୍ରଶାସନର ଚପଲ ଓ ମୋବାଇଲ୍ ଷ୍ଟାଣ୍ଡ କ୍ଷତିଗ୍ରସ୍ତ ହୋଇଛି । ଉପରେ ପଡିଥିବା ପାଲ ଉଡ଼ିଯାଇଛି। ଫଳରେ ବର୍ଷା ପାଣି ରେ ଅନେକ ମୋବାଇଲ୍‌ରେ ପାଣି ପଶିଯାଇଥିବା ଜଣାପଡିଛି । ବଡ଼ଦାଣ୍ଡରେ ଥିବା ଅନେକ ଉଠା ଦୋକାନୀଙ୍କ ଜାରି ପାଲ ଉଡ଼ି ଯାଇଛି । ତେବେ ପୁରୀର ବିଭିନ୍ନ ଗ୍ରାମାଞ୍ଚଳରେ ମଧ୍ୟ ଏହି ତାଣ୍ଡବ ଦେଖିବାକୁ ମିଳିଛି । ଗଛପଡି ରସ୍ତା ବନ୍ଦ ହେବା ସହ ଆନେକ ସ୍ଥାନରେ ବିଦ୍ୟୁତତାର ଛିଣ୍ଡିବା ଫଳରେ ବିଦ୍ୟୁତସରବାହ ଠପ୍ ହୋଇଛି । ସେପଟେ ଗଛକାଟି ରାସ୍ତା ସଫା କାର୍ଯ୍ୟରେ ଲାଗିଛି ଅଗ୍ନିଶମ ବାହିନୀ । 

ଇଟିଭି ଭାରତ, ପୁରୀ