ଧରାଧାମରୁ ବିଦାୟ ନେଲେ ଜଗତଜନନୀ ମା’ ଦୁର୍ଗା

ବୌଦ୍ଧ: ମେଲାଣି ନେଲେ ଜଗତଜନନୀ ମା ଦୁର୍ଗା । ଜିଲ୍ଲା ସଦର ମହକୁମାର ସମସ୍ତ ପୂଜା ମଣ୍ଡପରେ ଦଶହରା ଉପଲକ୍ଷେ ପୂଜନ ହୋଇଥିବା ବିଭିନ୍ନ ଦେବାଦେବୀଙ୍କ ମୃଣ୍ମୟୀ ମୂର୍ତ୍ତିକୁ ଆଜି ବିଶାଳ ଶୋଭାଯାତ୍ରାରେ ପରେ ବିସର୍ଜନ କରାଯାଇଛି । ଆଶ୍ଵିନ ସପ୍ତମୀ ଠାରୁ ଦଶହରା ପର୍ଯ୍ୟନ୍ତ ବୌଦ୍ଧର ବିଭିନ୍ନ ପୂଜା ମଣ୍ଡପରେ ଜଗତଜନନୀ ମା’ ଦୁର୍ଗାଙ୍କ ସମେତ ଅନ୍ୟାନ୍ୟ ଦେବାଦେବୀଙ୍କ ପୂଜାର୍ଚ୍ଚନା କରାଯାଇଥିଲା । ଆଜି ସଂଧ୍ୟାରେ ବୌଦ୍ଧ ସହରର ସମସ୍ତ ଦେବଦେବୀଙ୍କ ମେଢ଼ କ୍ରମାନ୍ୱୟରେ ସହର ପରିକ୍ରମା କରାଯାଇଥିଲା । ଏହାପରେ ପ୍ରଶାସନ ପକ୍ଷରୁ ନିର୍ମାଣ ଅସ୍ଥାୟୀ ପୋଖରୀରେ ମୂର୍ତ୍ତିକୁ ବିସର୍ଜନ କରାଯାଇଥିଲା । ତେବେ ବିସର୍ଜନକୁ ଶାନ୍ତି ଶୃଙ୍ଖଳିତ ଢଙ୍ଗରେ କରିବା ପାଇଁ ବ୍ୟାପକ ପୋଲିସ ନିଯୁକ୍ତ କରାଯାଇଥିଲେ । ତେବେ ଏକାଠି ମେଢ ବିସର୍ଜନ ଫଳରେ ଟ୍ରାଫିକ ସମସ୍ୟା ଉପୁଜିଥିଲା । ଅନେକ ମେଢ଼ ବିଳମ୍ବିତ ସମୟ ପର୍ଯ୍ୟନ୍ତ ବିଭିନ୍ନ ସ୍ଥାନରେ ଫସି ରହିଥିବା ବେଳେ ମାତ୍ରାଧିକ ଡିଜେ ସାଉଣ୍ଡ ଯୋଗୁଁ ସାଧାରଣ ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଥିଲେ ।
 

ଇଟିଭି ଭାରତ, ବୌଦ୍ଧ