ରାସ୍ତାରେ ହଇରାଣ କରୁଥିଲା ରୋଡ ରୋମିଓ, ରାସ୍ତାରେ ମଝିରେ ପାନେ ଦେଲେ ଯୁବତୀ

ଡେରାଡୁନ:  ରାସ୍ତାରେ ଯାଉଥିବା ଦୁଇ ଯୁବତୀକୁ ପିଛା କରୁଥିଲା ଏକ ରୋଡ ରୋମିଓ । ଯୁବକକୁ କାବୁ କରି ପାନେ ଦେଲେ ଯୁବତୀ । ଉତ୍ତରାଖଣ୍ଡର ହରିଦ୍ବାର ଜିଲ୍ଲାରୁ ସାମ୍ନାକୁ ଆସିଛି ଏହି ଘଟଣା । ତେବେ ସେହି ସମୟର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ବେସ ଭାଇରାଲ ହେବାରେ ଲାଗିଛି । ରୋଡ ରୋମିଓ ଖସିଯିବାକୁ ଚେଷ୍ଟା କରୁଥିବା ବେଳେ କାବୁ କରି ମୁଣ୍ଡକୁ ପ୍ରହାର କଲେ ଦୁଇ ଯୁବତୀ ।

ଏହି ଭିଡିଓ ରୁଡକୀର ସିବିଲ ଲାଇନ କୋଟଓ୍ବାଲି ଅଞ୍ଚଳର ହୋଇଥିବା ବେଳେ ଘଟଣାଟି ଗତ ସୋମବାରର ବୋଲି ଜଣାପଡିଛି । ସୂଚନାଅନୁସାରେ, ଦୁଇଜଣ ଯୁବତୀ ନୀଲମ ଟକିଜ ଦେଇ ଯାଇଥିବା ବେଳେ ଜଣେ ଯୁବକ ତାଙ୍କୁ ପିଛା କରିବା ସହ ଅଶ୍ଲୀଳ ଭାଷା କହୁଥିଲା । ତେବେ ଯୁବକ ଜଣକ ସୀମା ପାର କରିବାରୁ ପାନେ ଦେବା ପାଇଁ ଚିନ୍ତା କରିଥିଲେ ଯୁବତୀ । ଜଣେ ଯୁବତୀ ଯୁବକଙ୍କୁ କାବୁ କରିଥିବା ବେଳେ ଅନ୍ୟଜଣେ ପାଖରେ ତଳେ ପଡିଥିବା ଏଦ ଦଣ୍ଡା ଉଠାଇ ମୁଣ୍ଡକୁ ପିଟିବାରେ ଲାଗିଥିଲା । ତେବେ ଯୁବକଜଣକ ସେମାନଙ୍କ କବଳରୁ ଖସିଯାଇ ଜୀବନ ରକ୍ଷା କରିଥିଲା । ତେବେ ଭାଇରାଲ ଭିଡିଓ ଅନୁସାରେ ତଦନ୍ତ କରାଯିବ ବୋଲି ସ୍ଥାନୀୟ ଥାନା ଅଧିକାରୀ କହିଛନ୍ତି ।