ଖୁଦୁରୁକୁଣୀ ଓଷାରେ ଅଘଟଣ, ବିଦ୍ୟୁତ୍‌ ସଂସ୍ପର୍ଶରେ ଆସି ଚାଲିଗଲା ଯୁବତୀଙ୍କ ଜୀବନ

କଟକ: ଖୁଦୁରୁକୁଣୀ ଓଷା ପାଳନ ବେଳେ ଅଘଟଣ । ବିଦ୍ୟୁତ ସଂସ୍ପର୍ଶରେ ଆସି ଯୁବତୀଙ୍କ ମୃତ୍ୟୁ । କଟକ ସିଡିଏ ହଇରାଣପୁର ବସ୍ତିରେ ଏପରି ଏକ ଅଘଟଣ ଘଟିଛି । ମୃତ ଯୁବତୀଙ୍କ ହେଲେ ହଇରାଣ ପୂର ବସ୍ତିର ୨୩ ବର୍ଷୀୟ କଣ୍ଢେଇ ଦାସ । କଣ୍ଢେଇ ଖୁଦୁରୁକୁଣୀ ପୂଜା ପାଇଁ ପଡ଼ୋଶୀ ଘର ଛାତ ଉପରକୁ ଯାଇଥିଲେ । ଏହି ସମୟରେ ପାଖରେ ବିଦ୍ୟୁତ ତାର ସଂସ୍ପର୍ଶରେ ଆସି ଗୁରୁତର ହୋଇପଡ଼ିଥିଲେ । ଯୁବତୀଙ୍କୁ ତୁରନ୍ତ ଏକ ଘରୋଇ ମେଡ଼ିକାଲ ଭର୍ତ୍ତି କରଯାଇଥିଲା । କିନ୍ତୁ ସେଠାରେ ତାଙ୍କର ମୃତ୍ୟୁ ଘଟିଥିଲା । ଘଟଣାସ୍ଥଳରେ ମର୍କତ ନଗର ଥାନା ପୋଲିସ ତଦନ୍ତ ଆରମ୍ଭ କରିଛି । ତେବେ ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି । ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଥିବା ସୂଚନା ମିଳିଛି । 

ଏହା ମଧ୍ୟ ପଢନ୍ତୁ: ବ୍ୟାସ ସରୋବରରେ ନିର୍ମାଣ କାର୍ଯ୍ୟ ବେଳେ ଅଘଟଣ, ବିଦ୍ୟୁତ ଆଘାତରେ 2 ମୃତ

ଇଟିଭି ଭାରତ, କଟକ