ଫୁଲବାଣୀରେ ଜମୁଛି ଲକ୍ଷ୍ମୀପୂଜା, ରାତି ହେଲେ ଜମୁଛି ଶ୍ରଦ୍ଧାଳୁଙ୍କ ଭିଡ

ଫୁଲବାଣୀ: ଫୁଲବାଣୀରେ ଜମୁଛି ଗଜଲକ୍ଷ୍ମୀ ପୂଜା । ମା'ଙ୍କ ଆଗମନରେ ଚଳଚଞ୍ଚଳ ହୋଇପଡ଼ିଛି ଫୁଲବାଣୀ ସହର । ରାତି ହେଲେ ଚିକମିକ ଆଲୁଅରେ ଝଲସି ଉଠୁଛି ପୁରା ଅଞ୍ଚଳ । ବିଭିନ୍ନ ପୂଜା ମଣ୍ଡପରେ ମା'ଙ୍କ ମୂର୍ତ୍ତିକୁ ପୂଜାର୍ଚ୍ଚନା କରାଯାଉଛି । ଶାନ୍ତି ଶୃଙ୍ଖଳାରେ ସହ ଧମଲକ୍ଷ୍ମୀଙ୍କୁ ଦର୍ଶନ କରୁଛନ୍ତି ଭକ୍ତ । ମହାକାଳେଶ୍ଵର ବଣିକ ସଂଘ ପକ୍ଷରୁ ଏଫ୍‌ସିଆଇ ଛକ, ଚାଇନା ମାର୍କେଟ ପକ୍ଷରୁ ମେଡିକାଲ ଛକରେ ମାଙ୍କୁ ପୂଡାର୍ଚ୍ଚନା କରାଯାଉଛି।  ଉଭୟ ମଣ୍ଡପର ସାଜସଜ୍ଜା ଅତି ଆକର୍ଷଣୀୟ ହୋଇଥିବା ବେଳେ ଶ୍ରଦ୍ଧାଳୁଙ୍କୁ ବେଶ୍ ଆକର୍ଷିତ କରୁଛି । ପ୍ରତିଦିନ ସକାଳୁ ସୂର୍ଯ୍ୟ ପୂଜା, ଦ୍ଵାରପାଳ ପୂଜା, ଘଟ ମଙ୍ଗଳ ପୂଜା, ଷୋଡ଼ଷ ପୁଜା, ହବନ ସହ ସନ୍ଧ୍ୟା ଆଳତି ମାଙ୍କର ଯଥାବିଧିରେ ପୂଜା ଚାଲିଛି । ଉଭୟ ମଣ୍ଡପରେ ପ୍ର୍ୟତେକ ଦିନ ଅର୍ଣ୍ଣ ଯଜ୍ଞ ଚାଲିଛି । ଶ୍ରଦ୍ଧାଳୁ ମାନେ ମାଙ୍କ ପ୍ରସାଦ ସେବନ କରିବାର ବ୍ୟବସ୍ଥା ମଧ୍ୟ ରହିଛି। ଗତ 5 ଦିନ ଧରି ମାଙ୍କ ଆରାଧନା ଚାଲିଥିବା ବେଳେ ଆସନ୍ତାକାଲି ପୂର୍ଣ୍ଣାହୁତି ହେବା ନେଇ ପୂଜକଙ୍କଠାରୁ ସୂଚନା ମିଳିଛି ।
ଏହା ମଧ୍ୟ ପଢନ୍ତୁ-ଧୁମଧାମରେ ଚାଲିଛି ଗଜଲକ୍ଷ୍ମୀ ପୂଜା, ଚିକମିକ୍ ଆଲୋକରେ ଝଲସୁଛି ସହର

ଇଟିଭି ଭାରତ, କନ୍ଧମାଳ