ଇତିହାସ ପାଲଟିଲା ଟ୍ବିନ ଟାୱାର, ଭାଙ୍ଗିଲା ଦେଶର ସବୁଠୁ ଉଚ୍ଚ କୋଠା

ଦୁର୍ନୀତିର ମହଙ୍ଗା ଫଳ ଦେଖିଲା ବିଶ୍ବ । ମାତ୍ର ୯ ସେକେଣ୍ଡରେ ଇତିହାସ ସୃଷ୍ଟି କଲା ଦେଶର ସବୁଠୁ ଉଚ୍ଚ କୋଠା ଟ୍ବିନ ଟାୱାର । ରବିବାର ୨ଟା ୩୦ରେ ଧୂଳିଶାତ ହେଲା ୩୨ ଓ ୨୯ ମହଲା ବିଶିଷ୍ଟ ଟ୍ବିନ ଟାୱାର । ଏକାଧିକ ନିର୍ମାଣ ସମ୍ପର୍କିତ ନିୟମ ଓ ଅନୁମୋଦନକୁ ଅଣଦେଖା କରି ଏହି ଅଟ୍ଟାଳିକା ନିର୍ମାଣ ହୋଇଥିବାରୁ ସୁପ୍ରିମକୋର୍ଟଙ୍କ ନିର୍ଦ୍ଦେଶକ୍ରମେ ଏହାକୁ ମାଟିରେ ମିଶାଯାଇଛି । ନୂତନ ତଥା ଅତ୍ୟାଧୁନିକ ଟେକ୍ନୋଲୋଜି ବ୍ୟବହାର କରି ଏହାକୁ ଭାଙ୍ଗିଛନ୍ତି ସରକାର ।