ରେଶମ ସହରର କୋର୍ଟପେଟା ପୂଜା ମଣ୍ଡପରେ ଜମୁଛି କାଳୀ ପୂଜା

ବ୍ରହ୍ମପୁର: ରେଶମ ସହର ବ୍ରହ୍ମପୁରରେ ଧୂମଧାମ ସହକାରେ ଚାଲିଛି ମାଆ କାଳୀଙ୍କ ପୁଜାର୍ଚ୍ଚନା । ସକାଳର ସୂର୍ଯ୍ୟ ପୂଜା ଠାରୁ ଆରମ୍ଭ କରି ଷୋଡଶ ଉପଚାର ପୂଜା ,ଚଣ୍ଡୀ ପାଠ ଭଳି ସମସ୍ତ ପୂଜା କରାଯାଉଛି । ଏଥିସହ ସନ୍ଧ୍ୟା ସମୟରେ ଚିତାକର୍ଷକ ଆଲୋକମାଳାରେ ଝଲସି ଉଠୁଛି ସାରା ସହର । ଦୀପାବଳି ଅମାବାସ୍ୟାରେ ମାଆଙ୍କ ପୂଜା ଆରମ୍ଭ ହୋଇଥିଲା। ଦ୍ବିତୀୟ ଦିବସରେ ଗ୍ରହଣ ପାଇଁ ମାଆଙ୍କ ପୂଜା ବନ୍ଦ ରହିଥିବା ଯୋଗୁଁ ତୃତୀୟ ଦିବସରେ ସନ୍ଧ୍ୟା ସମୟରେ ମାଆଙ୍କ ଆଳତୀ ଦେଖିବାକୁ ଭକ୍ତମାନେ ଭିଡ ଜମାଇଛନ୍ତି । ଏହି ଅବସରରେ ବ୍ରହ୍ମପୁର ସହରର କୋର୍ଟପେଟା ପୂଜା ମଣ୍ଡପରେ କିପରି ଚାଲିଛି ମାଆଙ୍କ ପୂଜାର୍ଚ୍ଚନା ସେ ନେଇ ଅଧିକ ଆଲୋଚନା କରିଥିଲେ ଆମ ସମ୍ବାଦଦାତା ସମୀର ଆଚାର୍ଯ୍ୟ ।