Holi 2023: ରଙ୍ଗ ଖେଳିଲେ ରାଜନାଥ- ଯୋଗୀ

ନୂଆଦିଲ୍ଲୀ: ରଙ୍ଗର ପର୍ବରେ ହୋଲି ରଙ୍ଗୀନ ହୋଇଛନ୍ତି ଦେଶବାସୀ । ଆବାଳ ବୃଦ୍ଧ ବନିତା ସମସ୍ତେ ରଙ୍ଗ ଖେଳି ହୋଲି ଉତ୍ସବ ପାଳନ କରିଛନ୍ତି । ରାଜନେତାଠୁ ଅଭିନେତା ସମସ୍ତେ ରଙ୍ଗ ଲଗାଇ ସ୍ନେହ ଶ୍ରଦ୍ଧା ବାଣ୍ଟିଛନ୍ତି । ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ ମଧ୍ୟ ହୋଲି ସେଲିବ୍ରେସନ କରିଛନ୍ତି । ତାଙ୍କ ବାସଭବନରେ ହୋଲି ଉତ୍ସବ ପାଳନ ହୋଇଛି । କାର୍ଯ୍ୟକ୍ରମରେ ଅନେକ ଲୋକ ସାମିଲ ହୋଇଛନ୍ତି ପରସ୍ପରକୁ ରଙ୍ଗ ମାରି ରଙ୍ଗର ପର୍ବକୁ ମନାଇଛନ୍ତି । ସେହିପରି ଏହି ହୋଲି ଉତ୍ସବରେ ୟୁଏସ ବାଣିଜ୍ୟ ସଚିବ ଗିନା ରିମାଣ୍ଡୋ ଏଥିରେ ଯୋଗ ଦେଇଛନ୍ତି । ଏହାସହ କେନ୍ଦ୍ରମନ୍ତ୍ରୀ ପିୟୁଷ ଗୋଏଲ, ବୈଦେଶିକ ମନ୍ତ୍ରୀ ଏସ ଜୟଶଙ୍କର ମଧ୍ୟ ସାମିଲ ହୋଇଛନ୍ତି । ସେହିପରି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଧ୍ୟ ହୋଲି ଉତ୍ସବ ପାଳନ କରିଛନ୍ତି । ଗୋରଖପୁରର ଗୋରେଖନାଥ ମନ୍ଦିରରେ ହୋଲି ସେଲିବ୍ରେସନ କରିଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ।