ନଦୀରେ ଗାଧେଇବା ବେଳେ ଭାସିଯାଇଥିଲେ ଡ୍ରାଇଭର, ମୃତଦେହ ଉଦ୍ଧାର

ନିଆଳି: ନଦୀକୁ ଗାଧୋଇବା ପାଇଁ ଯାଇ ଭାସିଯାଇଥିବା ବ୍ଯକ୍ତିଙ୍କ ମୃତଦେହ ଉଦ୍ଧାର । ମୃତକଙ୍କ ଘର ଗଞ୍ଜାମ ଜିଲ୍ଲା ଅଞ୍ଚଳର କିନ୍ତୁ ସେ ଦୀର୍ଘ ବର୍ଷ ହେବ ହଂସପାଳ ଅଞ୍ଚଳରେ ରହି ଡ୍ରାଇଭର ଭାବରେ କାର୍ଯ୍ୟ କରିଥିବା ସୂଚନା ଦେଲା ପୋଲିସ । ଏପରି ଘଟଣା ଘଟିଛି ଖୋର୍ଦ୍ଧା ଜିଲ୍ଲା ତଥା ରାଜଧାନୀ ଉପକଣ୍ଠ ପାହାଳ ଥାନା ଅଧିନ ହଂସପାଳରେ । ସୂଚନା ଅନୁଯାୟୀ, ଗତକାଲି (ସୋମବାର) କୁଆଖାଇ ନଦୀକୁ ଗାଧୋଇବାକୁ ପାଇଁ ଯାଇଥିଲେ ସୁବାଷ ବେହେରା ନାମକ ଜଣେ ବ୍ୟକ୍ତି । ଗାଧୋଇବା ସମୟରେ ଗୋଡ ଖସି ନଦୀରେ ଭାସିଯାଇ ଯାଇଥିଲେ ଆଜି ମୃତ୍ୟୁଦେହ ଭାସୁଥିବା ଦେଖି ସ୍ଥାନୀୟ ଲୋକ ଅଗ୍ନିଶମ ବିଭାଗ ଓ ପୋଲିସକୁ ଖବର ଦେଇଥିଲେ। ମୃତଦେହକୁ ଉଦ୍ଧାର କରିଛି ହଂସପାଳ ପୋଲିସ । ବ୍ୟବଚ୍ଛେଦ ନିମନ୍ତେ ଭୁବନେଶ୍ୱର କ୍ୟାପିଟାଲ ହସ୍ପିଟାଲକୁ ପଠାଇବ ସହିତ ଘଟଣାର ତଦନ୍ତ କରୁଛି ପୋଲିସ । 
 

ଇଟିଭି ଭାରତ, ନିଆଳି