ବଜାରରେ କମିଲା ଆଳୁ ଦର, ଜମୁଛି ଗ୍ରାହାକଙ୍କ ଭିଡ

ବାଲେଶ୍ବର: ବାଲେଶ୍ବର ଜିଲ୍ଲା ରେମୁଣା ଅଞ୍ଚଳରେ ଏବେ ଶସ୍ତା ଆଳୁକୁ ନେଇ ଚାରିଆଡ଼େ ଚର୍ଚ୍ଚା। ଆଳୁ ବେପାରୀଙ୍କ ଶସ୍ତା ଆଳୁ ଯୋଜନାର ଫାଇଦା ନେବାପାଇଁ ସକାଳ ଠାରୁ ଜମୁଛି ଭିଡ। ରେମୁଣା ହାତିଆଗଣ୍ଡ ଛକ ନିକଟରେ ଆଳୁ ବ୍ୟବସାୟୀ ମନୋଜ ଜେନା ଏହି ଶସ୍ତା ଆଳୁ ଯୋଜନା କରିଛନ୍ତି। 4 ଦିନ ହେବ ଶସ୍ତା ଆଳୁ ନେବାପାଇଁ ମନୋଜଙ୍କ ଆଳୁ ଗୋଦାମ ନିକଟରେ ଜମୁଛି ନାହିଁ ନଥିବା ଭିଡ଼। ମାତ୍ର କେଇଘଣ୍ଟା ଭିତରେ ସାରିଯାଉଛି ଟ୍ରକଟ୍ରକ ଆଳୁ। ଛୋଟ ଆଳୁ ବସ୍ତା 250 ଟଙ୍କା ଥିବା ବେଳେ ବଡ଼ ଆଳୁ ବସ୍ତାର ମୂଲ୍ୟ 350 ଟଙ୍କା ରହିଛି। ବଜାର ଦର ସହରରେ ଏହାର ମୂଲ୍ୟ 450 ଟଙ୍କା ଥିବା ବେଳେ ଏଠାରେ ଶସ୍ତା ଡାକରା ଦିଆଯାଉଛି। କଲିକତାରୁ ଏହି ଆଳୁ ଟ୍ରକ ଆସୁଥିବା ସହ 5 ଟି ଟ୍ରକରେ ଆସିଥିବା ଆଳୁ ଶେଷ ହୋଇ ପୁଣି ଆଉ ଏକ ଟ୍ରକରେ ଆଳୁ ଭର୍ତ୍ତି ହୋଇ ଆସୁଥିବା ଜଣାପଡିଛି। ଇଟିଭି ଭାରତ, ବାଲେଶ୍ବର