Watch: ଯୁବକଙ୍କୁ ରାସ୍ତା ମଝିରେ ପିଟିଲେ ଦୁଇ ଯୁବତୀ, ମାରିଥିଲେ କମେଣ୍ଟ

ଲକ୍ଷ୍ନୌ: ରାସ୍ତା ଉପରେ ଯୁବକଙ୍କୁ ନିର୍ଦ୍ଧୁମ ପିଟିଲେ ୨ ଯୁବତୀ । ରାସ୍ତା ଗଡ଼ାଇ ଚପଲରେ ପିଟିଛନ୍ତି । ଏଭଳି ଦୃଶ୍ୟ ଉତ୍ତରପ୍ରଦେଶ ଆଗ୍ରା ଜିଲ୍ଲା କମଲା ନଗର ଅଞ୍ଚଳରେ ଦେଖିବାକୁ ମିଳିଛି । ମିଳିଥିବା ସୂଚନା ଅନୁସାରେ ଉକ୍ତ ଯୁବକ ଜଣକ ଦୀର୍ଘ ଦିନ ଧରି ଯୁବତୀଙ୍କୁ ଫ୍ଲଟିଂ କରୁଥିଲେ । ଏହାସହିତ ରାସ୍ତାରେ କମେଣ୍ଟ ମାରୁଥିଲେ । ଏଥିରେ ଅତିଷ୍ଠ ହୋଇ ଯୁବତୀ ଜଣକ ଯୁବକଙ୍କୁ ପ୍ରାୟ ଅଧ ଘଣ୍ଟା ମାଡ଼ ମାରିଥିଲେ । ଏହି ଭିଡିଓଟି ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଶୁକ୍ରବାର ଯୁବକ ଜଣକ ଅଶାଳୀନ ଆଚରଣ କରିବା ପରେ ଆଉ ସହ୍ୟ କରପାରିନଥିଲେ ଯୁବତୀ । ଏହାପରେ ଉଗ୍ରରୂପ ଧାରଣ କରି ଯୁବକଙ୍କୁ ଚପଲରେ ପିଟିଥିଲେ । ଯୁବକ ଜଣକ ମାଡ଼ ଖାଉଥିବା ସମୟରେ ମଧ୍ୟ ପ୍ରେମ ପ୍ରସ୍ତାବ ଦେଉଥିବା ଦେଖିବାକୁ ମିଳିଛି । ସେହି ପାଖ ବସ୍ତିରେ ଯୁବକ ଜଣକ ରହୁଥିବା ବେଳେ ପ୍ରତିଦିନ ଯୁବତୀଙ୍କୁ କମେଣ୍ଟ କରିବା ସହ ପ୍ରେମ ପ୍ରସ୍ତାବ ଦେଉଥିଲା । ଭିଡିଓ ଭାଇରାଲ ହେବା ପରେ ପୋଲିସ ଯାଞ୍ଚ ପ୍ରକ୍ରିୟା ଆରମ୍ଭ କରିଛି ।