ଗାଡି ଧିରେ ଚଳାଇବା ପାଇଁ ପନ୍ତଙ୍କୁ ପୂର୍ବରୁ ସତର୍କ କରାଇଥିଲେ ଧାୱନ

ହାଇଦ୍ରାବାଦ: ଋଷଭ ପନ୍ତ କାର ଦୁର୍ଘଟଣା ପରେ ତାଙ୍କର ସ୍ବାସ୍ଥ୍ୟାବସ୍ଥା ବର୍ତ୍ତମାନ ସ୍ଥିର ରହିଛି । ତେବେ ପନ୍ତଙ୍କୁ ଗାଡି ଧିରେ ଚଳାଇବା ପାଇଁ ପୂର୍ବରୁ ଶିଖର ଧାୱନ ତାଙ୍କୁ ସତର୍କ କରାଇଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ତିନି ବର୍ଷ ତଳେ ସୁଟ ହୋଇଥିବା ଏହି ଭିଡିଓରେ ପନ୍ତ ଶିଖର ଧାୱନଙ୍କୁ କହୁଛନ୍ତି " ଆପଣ ମୋତେ କିଛି ଉପଦେଶ ଦେବେ" ଏହାର ଜବାବରେ ଧାୱନ ପନ୍ତଙ୍କୁ କହୁଛନ୍ତି "ଗାଡି ସତର୍କତାର ସହ ଚଲାଅ" ଏହାର ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହୋଇଛି ।