ସାବଧାନ ! ଖଟ ଉପରେ ଫଣାଟେକି ବସିଛି ସାପ

ରାଞ୍ଚି : ଝାଡଖଣ୍ଡ ପାକୁଡ଼ ଜିଲ୍ଲାସ୍ଥିତ ମହେଶପୁର ପୋଲିସ ଷ୍ଟେସନ ପରିସରରେ ଥିବା ଏକ ଘର ଭିତରୁ ନାଗ ସାପକୁ ଉଦ୍ଧାର କରାଯାଇଛି । ମହେଶପୁର ବ୍ଲକର ଶିବରାଜପୁର ଗ୍ରାମରେ ରହୁଥିବା ବାଦାମ ଶେଖଙ୍କ ଘରେ ରଖାଯାଇଥିବା ଖଟ ଉପରେ ନାଗଟି ଫଣା ଟେକି ବସିଥିଲା । ତେବେ ଏହି ସାପକୁ ଦେଖି ସମସ୍ତେ ଭୟଭୀତ ହୋଇଯାଇଥିଲେ । ଏନେଇ ତୁରନ୍ତ ଜଙ୍ଗଲ ବିଭାଗୀୟ ଅଧିକାରୀ ରଜନୀଶ କୁମାରଙ୍କୁ ଖବର ଦେଇଥିଲେ । ଏହାପରେ ସାପକୁ ତାଙ୍କ ଦଳ ଉଦ୍ଧାର କରି ଏକ ସୁରକ୍ଷିତ ଜଙ୍ଗଲରେ ଛାଡି ଦେଇଛନ୍ତି । ବ୍ୟୁରୋ ରିପୋର୍ଟ, ଇଟିଭି ଭାରତ