ଧରାପୃଷ୍ଠରେ ଅବତରଣ କରିଛନ୍ତି ପ୍ରଭୁ ଯୀଶୁ, ଧୂମଧାମରେ ପାଳନ ହେଉଛି ବଡ଼ ଦିନ

Christmas Celebration: 

କଟକ: ମଧ୍ୟ ରାତ୍ରିରେ ଧରାପୃଷ୍ଠକୁ ଧରାବତରଣ କରିଛନ୍ତି ପ୍ରଭୁ ଯୀଶୁ । ଏନେଇ ପ୍ରଭୁଙ୍କୁ ଆଡ଼ମ୍ବରରେ ସ୍ବାଗତ କରିଛନ୍ତି  ଖ୍ରୀଷ୍ଟ ଧର୍ମାଲମ୍ବୀ। ଏନେଇ କଟକର ସମସ୍ତ ଚର୍ଚ୍ଚରେ ଏହି ପର୍ବକୁ ଧୁମଧାମରେ ପାଳନ କରାଯାଇଛି । ଖ୍ରୀଷ୍ଟ ଧର୍ମାବଲମ୍ବୀମାନେ ପରସ୍ପରକୁ କେକ୍‌ ଖୁଆଇ ଖ୍ରୀଷ୍ଟମାସର ଶୁଭେଚ୍ଛା ଜଣାଇବା ସହ ଶାନ୍ତି ଓ ଐକତାର ବାର୍ତ୍ତା ଦେଇଛନ୍ତି  । ସେହିପରି ସକାଳୁ ସକାଳୁ ମଧ୍ୟ କଟକର ବିଭିନ୍ନ ଚର୍ଚ୍ଚରେ ସମୂହ ପ୍ରାର୍ଥନା କରାଯାଇଥିଲା । ତେବେ ଭାଇଚାରାର ସହର କଟକରେ ସବୁ ଧର୍ମର ଲୋକ ଏହି ପର୍ବକୁ ପାଳନ କରିଛନ୍ତି । ବିଭିନ୍ନ ପ୍ରକାରର ସୁସ୍ୱାଦୁ ଖାଦ୍ୟ ଖାଇ ଏହି ପବିତ୍ର ପାଳନ କରାଯାଉଛି । ଚର୍ଚ୍ଚଠାରୁ ଆରମ୍ଭ କରି ନିଜ ନିଜ ଘରକୁ ସଜାଇଛନ୍ତି ଖ୍ରୀଷ୍ଟ ଧର୍ମାଲମ୍ବୀ। ଏହା କେବଳ ଖ୍ରୀଷ୍ଟିୟାନ ଧର୍ମାବଲମ୍ବୀ ନୁହନ୍ତି ଭାଇଚାରାର ସହର କଟକରେ ଅନ୍ୟାନ୍ୟ ସଂପ୍ରଦାୟ ମଧ୍ୟ ବଡ଼ ଦିନକୁ ପାଳନ କରିଛନ୍ତି ।  

ଇଟିଭି ଭାରତ, କଟକ