Ratha Yatra 2023: ରଥରେ ରାଜନୀତି ସମ୍ପନ୍ନ, ଛେରା ପହଁରା କଲେ ଗଜପତି

ପୁରୀ: ବିଶ୍ବ ପ୍ରସିଦ୍ଧ ରଥଯାତ୍ରା ପାଇଁ ଭକ୍ତମୟ ବଡ଼ଦାଣ୍ଡ ଓ ଭକ୍ତିମୟ ଶ୍ରୀକ୍ଷେତ୍ର । ସବୁଠି ଶୁଭୁଛି ଜୟ ଜଗନ୍ନାଥ ଧ୍ବନୀ । ଟାହିଆ ହଲାଇ ବଡ଼ ଭାଇ ବଳଭଦ୍ର ଓ ଭଉଣୀ ସୁଭଦ୍ରାଙ୍କ ସହ ରଥରେ ବସିଛନ୍ତି କାଳିଆ ସୁନା । ହୁଳହୁଳି, ହରିବୋଲ ଧ୍ବନିରେ ବଡ଼ଦାଣ୍ଡ ପ୍ରକମ୍ପିତ ହେଉଛି । ସତରେ, କି ଅପୂର୍ବ ସେ ଦୃଶ୍ୟ । ସଭିଙ୍କ ତୁଣ୍ଡରୁ ଶୁଭୁଛି ଜୟ ଜଗନ୍ନାଥ । ଶ୍ରୀଜିଉଙ୍କ ଦର୍ଶନରେ ଭାବବିହ୍ବଳ ହେଉଛନ୍ତି ପତିତଜନ । ଜନସମୁଦ୍ରରେ ଉଛୁଳି ପଡୁଛି ବଡ଼ଦାଣ୍ଡ । ପହଣ୍ଡି ବିଜେ ନୀତି ପରେ ଆଦିଗୁରୁ ଶଙ୍କରାଚାର୍ଯ୍ୟ ଆସି ତିନି ରଥରେ ଚତୁର୍ଦ୍ଧା ମୂର୍ତ୍ତିଙ୍କୁ ଦର୍ଶନ କରି ଯିବା ପରେ ଗଜପତି ମହାରାଜ ଆସି ରଥରେ ରାଜନୀତି ସମ୍ପନ୍ନ କରିଛନ୍ତି । ବୀର ଶ୍ରୀ ଗଜପତି ଗୌଡ଼େଶ୍ବର ଦିବ୍ୟସିଂହ ଦେବଙ୍କ ଛେରା ପହଁରା ନୀତିକାନ୍ତି ପରେ ଆରମ୍ଭ ହୋଇଛି ରଥଟଣା । ରଥଯାତ୍ରାର ଟିକନିଖି ଖବର ଜାଣିବାକୁ ଆମ ସହ ଯୋଡି ହୋଇ ରୁହନ୍ତୁ । 

ଇଟିଭି ଭାରତ, ପୁରୀ