କର୍ଣ୍ଣାଟକ କଂଗ୍ରେସର ବିଜୟ ପରେ ବୌଦ୍ଧରେ ଉତ୍ସବର ମାହୋଲ

ବୌଦ୍ଧ: କର୍ଣ୍ଣାଟକରେ କଂଗ୍ରେସର ବିପୁଳ ବିଜୟ ପରେ କଂଗ୍ରେସ ନେତା ଓ କର୍ମୀଙ୍କ ମଧ୍ୟରେ ଉତ୍ସାହର ମାହୋଲ ରହିଛି । ଏନେଇ ଆଜି ବିଭିନ୍ନ ସ୍ଥାନରେ କଂଗ୍ରେସ ଦଳ ପକ୍ଷରୁ ବ୍ୟାପକ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ସେହିପରି ବୌଦ୍ଧ ଜିଲ୍ଲା କଂଗ୍ରେସ ପକ୍ଷରୁ ବୌଦ୍ଧରେ ଜିଲ୍ଲା ସ୍ତରୀୟ ବିଜୟ ଉତ୍ସବ ପାଳନ କରାଯାଇଛି । କଂଗ୍ରେସ ଦଳର ନେତା ଓ କର୍ମୀ ବୌଦ୍ଧ ସହର ପରିକ୍ରମା ସହିତ ମିଷ୍ଟାନ୍ନ ବଣ୍ଟନ କରିଥିଲେ । କର୍ଣ୍ଣାଟକ ନିର୍ବାଚନରେ କଂଗ୍ରେସ ଦଳର ଆଜି ବିପୁଳ ତଥା ଐତିହାସିକ ବିଜୟ ହୋଇଛି । କର୍ଣ୍ଣାଟକରେ କଂଗ୍ରେସ 136 ଗୋଟି ଆସନ ଅକ୍ତିଆର କରି ରାଜ୍ୟରେ କଂଗ୍ରେସ ସରକାର ଗଠନ କରିବା ପାଇଁ ସ୍ପଷ୍ଟ ବହୁମତ ହାସଲ କରିଛି । ଏନେଇ  ବୌଦ୍ଧ ଜିଲ୍ଲା କଂଗ୍ରେସ ପକ୍ଷରୁ ବିଜୟ ଉତ୍ସବ ପାଳନ କରାଯାଇଛି । ଆଜି ସନ୍ଧ୍ୟାରେ ଜିଲ୍ଲା କଂଗ୍ରେସ ସଭାପତିଙ୍କ ନେତୃତ୍ୱରେ ବହୁ କଂଗ୍ରେସ ନେତା ଓ କର୍ମୀ ବୌଦ୍ଧ ସହରକୁ ପରିକ୍ରମା କରିଥିଲେ । ବିଶାଳ ପଟୁଆର ସହିତ ମିଷ୍ଟାନ୍ନ ବଣ୍ଟନ କରି ଉତ୍ସବ ପାଳନ କରିଥିଲେ । ତେବେ କର୍ଣ୍ଣାଟକରେ କଂଗ୍ରେସର ବିଜୟ ପ୍ରଭାବ ଓଡ଼ିଶା ଓ ବୌଦ୍ଧ ଜିଲ୍ଲାରେ ସୁନିଶ୍ଚିତ ପଡିବ ବୋଲି ଜିଲ୍ଲା କଂଗ୍ରେସ ଆଶା କରିଛି । 
ଇଟିଭି ଭାରତ, ବୌଦ୍ଧ