ସଡକ ସୁରକ୍ଷା ସପ୍ତାହ ପାଳନ, ରାହାଗିରି ଓ ପଥପ୍ରାନ୍ତ ନାଟକ ଦ୍ଵାରା ସଚେତନତା ଅଭିଯାନ

Road Safety Week : କେନ୍ଦୁଝର : ସଡକ ସୁରକ୍ଷା ସପ୍ତାହ ପାଳନ । ଜିଲ୍ଲା ପୋଲିସର ରାହାଗିରି ଓ ପଥପ୍ରାନ୍ତ ନାଟକଦ୍ଵାରା ସଚେତନତା ଅଭିଯାନ । ସଡ଼କ ସୁରକ୍ଷା ସପ୍ତାହ ଅବସରରେ କେନ୍ଦୁଝର ସହରର ପାର୍କ ଲାଇନ ରାସ୍ତାରେ ଆଜି ସକାଳୁ ରାହାଗିରି ଓ ପଥପ୍ରାନ୍ତ ନାଟକ ଅନୁଷ୍ଠିତ ହୋଇ ଯାଇଛି । କେନ୍ଦୁଝର ଜନସାଧାରଣଙ୍କୁ ଏନେଇ ସଚେତନତା ସୃଷ୍ଟି କରିଛି କେନ୍ଦୁଝର ପୋଲିସ । ସ୍ଥାନୀୟ ପାର୍କ ରାସ୍ତାରେ ବିଭିନ୍ନ ଶିକ୍ଷାନୁଷ୍ଠାନର ଛାତ୍ରଛାତ୍ରୀ ମାନଙ୍କ ଦ୍ୱାରା ରାସ୍ତା ଉପରେ ମୁରୁଜ ତଥା ଝୋଟି ମାଧ୍ୟମରେ ସଡ଼କ ସୁରକ୍ଷାର ବାର୍ତ୍ତା ଦିଆଯାଇଛି । ଏହା ସହ ଛାତ୍ରଛାତ୍ରୀଙ୍କ ଦ୍ଵାରା ସ୍କେଟିଙ୍ଗ, ସାଇକେଲିଙ୍ଗ ଆଦି କାର୍ଯ୍ୟକ୍ରମ କରାଯାଇଥିଲା । 

ଏହା ମଧ୍ୟ ପଢ଼ନ୍ତୁ.....  ସଡକ ସୁରକ୍ଷା ସଚେତନତା; ରାଜଧାନୀରେ ମହିଳା ପୋଲିସଙ୍କ ବାଇକ ରାଲି

କେନ୍ଦୁଝର ଟାଉନ ଥାନାର ଅଧିକାରୀ ସୁନୀଲ କୁମାର କର ଅଭିନୟ ମାଧ୍ୟମରେ ଏକ ବେପରୁଆ ତଥା ମଦୁଆ ଗାଡ଼ି ଚାଳକର ଚରିତ୍ରକୁ ଖୁବ ସୁନ୍ଦର ଭାବରେ ପରିବେଶ କରି ଦର୍ଶକଙ୍କ ମନଜିଣି ପାରିଥିଲେ । ଏହି ସଚେତନତା କାର୍ଯ୍ୟକ୍ରମରେ ଆରକ୍ଷୀ ଅଧିକ୍ଷକ ନିତିନ କୁସଲକର ଦାଗୁଡୁ, ଆର.ଟି.ଓ କେନ୍ଦୁଝର ଗୋପାଳ କୃଷ ଦାସ, ଜିଲ୍ଲା ପରିଷଦର ନିର୍ବାହୀ ଅଧିକାରୀ ବିଷ୍ଣୁ ପ୍ରସାଦ ଆଚାର୍ଯ୍ୟ, ପୌର ନିର୍ବାହୀ ଅଧିକାରୀ ଡ଼ଃ ମଧୁସ୍ମିତା ସାମାନ୍ତରାୟ, କେନ୍ଦୁଝର ବନଖଣ୍ଡ ଅଧିକାରୀ ଧନରାଜ ଏଚ.ଡି, କେନ୍ଦୁଝର ଏସ.ଡି.ପି.ଓ ମହେନ୍ଦ୍ରନାଥ ମୁର୍ମୁ, ଟାଉନ ଥାନା ଅଧିକାରୀ ସୁନୀଲ କୁମାର କର ଉପସ୍ଥିତ ରହି ସଡ଼କ ସୁରକ୍ଷା ପାଇଁ ବିଭିନ୍ନ ଉପଦେଶ ଦେଇଥିଲେ । ଶେଷରେ ଅତିଥିମାନେ କେନ୍ଦୁଝର ସହରର ଅଡିଟରିଅମ ଠାରେ ସଡ଼କ ସୁରକ୍ଷା ସପ୍ତାହ ପାଇଁ ଅନୁଷ୍ଠିତ ବିଭିନ୍ନ ପ୍ରତିଯୋଗିତାର କୃତୀ ଛାତ୍ର ଛାତ୍ରୀ ମାନଙ୍କୁ ପୁରସ୍କାର ବିତରଣ କରିଥିଲେ ।

ଇଟିଭି ଭାରତ, କେନ୍ଦୁଝର