Watch: ଗନ୍ତବ୍ୟସ୍ଥଳରେ ପହଞ୍ଚି ପାରିଲାନି ବସ୍‌, ଅଧା ବାଟରେ ହୁତୁହୁତୁ ଜଳିଗଲା

କୋରାପୁଟ: ହୁତୁହୁତୁ ହୋଇ ଜଳିଗଲା ବସ । ଅଳ୍ପକେ ବର୍ତ୍ତିଲେ ଯାତ୍ରୀ । ବୋରିଗୁମ୍ମା- ନବରଙ୍ଗପୁର ରୋଡର ଗୁପ୍ତା ଟ୍ରାଭେଲସ (CG17KS7719)ନାମକ ଏକ ନାଇଟ କୋଚ ବସରେ ନିଆଁ ଲାଗି ଜଳିଯାଇଛି । ବସଟି ହାଇଦ୍ରାବାଦରୁ କଳାହାଣ୍ଡି ଜିଲ୍ଲାର ସିନାପାଲି ଯାଉଥିବା ଜଣାପଡିଛି । ସୂଚନା ଅନୁଯାୟୀ, ବସର ଟାୟାର ଚେଞ୍ଜ କରୁଥିବା ସମୟରେ ଟାୟାର ଫାଟିବା ଯୋଗୁଁ ବସରେ ନିଆଁ ଲାଗି ଯାଇଥିଲା l ତେବେ ବସରେ ନିଆଁ ଲାଗିବା ସମୟରେ ସମସ୍ତ ଯାତ୍ରୀ ବସ ବାହାରେ ଥିଲେ । ତେବେ ଘଟଣାସ୍ଥଳରେ ଅଗ୍ନିଶମ ବିଭାଗକୁ ଖବର ଦିଆଯାଇଥିବା ବେଳେ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ l କିନ୍ତୁ ସେତେବେଳେକୁ ବସଟି ସମ୍ପୂର୍ଣ୍ଣ ଜଳି ଯାଇଥିଲା l ତେବେ ବସରେ ଥିବା ସମସ୍ତ ଯାତ୍ରୀ ସୁରକ୍ଷିତ ଥିବା ବେଳେ ଯାତ୍ରୀଙ୍କ ଜିନିଷ ପତ୍ର ପୋଡି ନଷ୍ଟ ହୋଇଯାଇଛି  ।  

ଇଟିଭି ଭାରତ, କୋରାପୁଟ