କଟକରେ ବଲିଉଡ଼ ଅଭିନେତ୍ରୀ ଜୟପ୍ରଦା, ମା’ କଟକ ଚଣ୍ଡୀଙ୍କୁ କଲେ ଦର୍ଶନ

କଟକ: କଟକର ଅଧିଷ୍ଠାତ୍ରୀ ଦେବୀ ମା' କଟକ ଚଣ୍ଡୀଙ୍କ ଦର୍ଶନ କଲେ ବଲିଉଡ୍ ଅଭିନେତ୍ରୀ ଜୟପ୍ରଦା । ଭୁବନେଶ୍ବରରେ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଯୋଗଦେବା ଉଦ୍ଦେଶ୍ୟରେ ଆସିଥିବା ବେଳେ ସେ କଟକରେ ଆସି ମାଆଙ୍କ ଦର୍ଶନ କରିଛନ୍ତି । ଗୋଟିଏ ପଟେ ନବରାତ୍ର ଜାରି ରହିଥିବାରୁ ସମସ୍ତଙ୍କୁ ନବରାତ୍ରର ଶୁଭେଚ୍ଛା ମଧ୍ୟ ଜଣାଇଛନ୍ତି । ତେବେ ଦୀର୍ଘ ବର୍ଷର ବ୍ୟବଧାନରେ ଓଡିଶା ଆସି ବହୁତ୍ ଭଲ ଲାଗିଥିବା ସେ କହିଛନ୍ତି । ତାଙ୍କ ମତରେ ଓଡିଶାବାସୀ ହେଉଛନ୍ତି ସବୁଠୁ ନିଆରା । ଚୈତ୍ର ନବରାତ୍ର ବାସନ୍ତୀ ଦୁର୍ଗା ପୂଜା ମଧ୍ୟ ଜାରି ରହିଛି । ତେଣୁ ସେ ନବରାତ୍ରରେ ସେ ସର୍ଵଦା କାଷ୍ଠା ଉପବାସ ରଖନ୍ତି । ତେଣୁ ଏହି ନଅ ଦିନ ତାଙ୍କ ପାଇଁ ବେଶ ଗୁରୁତ୍ୱପୂର୍ଣ୍ଣ । ଓଡିଶାରେ ପହଁଚିବା ପରେ କଟକ ଆସିବା ପାଇଁ ମନରେ ଉତ୍ସାହ ରହିଥିଲା । ତେଣୁ କଟକର ଅଧିଷ୍ଠାତ୍ରୀ ଦେବୀଙ୍କୁ ଦର୍ଶନ କରିବାର ସୁଯୋଗ ମିଳିଲା ବୋଲି କହିଛନ୍ତି ଜୟପ୍ରଦା ।

ଅନ୍ୟପଟେ ତାଙ୍କୁ ଦେଖିବା ପାଇଁ ମନ୍ଦିର ପରିସରରେ ଭିଡ଼ ଜମିଥିଲା । କିଏ ସେଲ୍ଫି ତ କିଏ ଟିକେ କଥା ହେବା ପାଇଁ ବ୍ୟାକୁଳ ହେଉଥିଲା । ଏହାକୁ ନଜରରେ ରଖି ସ୍ଥାନୀୟ ପୋଲିସ ମଧ୍ୟ ସୁରକ୍ଷା ବ୍ୟବସ୍ଥା କଡାକଡି କରିଥିଲେ । ଏହି ଦର୍ଶନ ମଧ୍ୟରେ ଜୟପ୍ରଦାଙ୍କୁ ପ୍ରଥମେ ସ୍ୱାଗତ କରଯାଇଥିଲା । ଏହାପରେ ମାଆଙ୍କୁ ନିକଟରୁ ଦର୍ଶନ କରିଥିଲେ ଜୟପ୍ରଦା । ତେବେ ଏହି ଗସ୍ତ ସମୟରେ ତାଙ୍କ ସାଥିରେ ତାଙ୍କ ପୁଅ ମଧ୍ୟ ଉପସ୍ଥିତ ଥିଲେ । ତାଙ୍କର ଅଭିନୀତ ଅନେକ ଫିଲ୍ମ ରହିଛି । ଯାହା ସର୍ଵଦା ଚିର ସବୁଜ ହୋଇ ରହଛି । ତାଙ୍କୁ ଏଭରଗ୍ରୀନ ହିରୋଇନ ମଧ୍ୟ କୁହାଯାଇଥାଏ । ଅନେକ ଷ୍ଟାରଙ୍କ ସହ ସେ ଅଭିନୟ କରିଛନ୍ତି । ବିଶେଷକରି ଜିତେନ୍ଦ୍ର ଓ ତାଙ୍କର ଯୋଡି ବେଶ ସୁନ୍ଦର ଥିଲା । 

ଇଟିଭି ଭାରତ, କଟକ