କେନ୍ଦୁଝର ଆହ୍ଲୁୱାଲିଆ ପ୍ଲାଣ୍ଟରେ ଭୟଙ୍କର ବିସ୍ଫୋରଣ

Blast in Plant: କେନ୍ଦୁଝର: କେ.ଜେ.ଏସ୍ ଆହ୍ଲୁୱାଲିଆ ପ୍ଲାଣ୍ଟରେ ବିସ୍ଫୋରଣ । କେନ୍ଦୁଝର ଜିଲ୍ଲାର ରୁଗୁଡ଼ି ଥାନା ବରପଦାଠାରେ ଥିବା ପ୍ଲାଣ୍ଟରେ ଏଭଳି ଅଘଟଣ ଘଟିଛି । ଏଠାରେ ଥିବା କେ.ଜେ.ଏସ୍. ଆହ୍ଲୁୱାଲିଆ ପ୍ଲାଣ୍ଟରେ ବିସ୍ଫୋରଣ ହୋଇଥିବା ଜଣାପଡିଛି। ସୂଚନା ଅନୁଯାୟୀ, ଆଜି ଅପରାହ୍ନରେ ପ୍ଲାଣ୍ଟର ଇଣ୍ଡକ୍ସନ୍ ଫର୍ନେସରେ ଏକ ବଡ ବିସ୍ଫୋରଣ ଘଟିଥିଲା । ଫଳରେ ଇଣ୍ଡକ୍ସନ୍ ଫର୍ନେସରୁ ତରଳ ଧାତୁ ଛିଟିକି ପାଖରେ ଥିବା ଏକ ହାଇୱା ଉପରେ ପଡିଥିଲା । 

ଏହାପରେ ହାଇୱାର ପଛଭାଗ ଜଳିଯାଇଥିବା ଦେଖିବାକୁ ମିଳିଛି । ସେପଟେ ବିସ୍ଫୋରଣରେ କେହି ମୃତାହତ ହୋଇନଥିବା ପୋଲିସ ପକ୍ଷରୁ ସୂଚନା ମିଳିଛି। ଦୁର୍ଘଟଣା ସମୟରେ ପାଖରେ କେହି ଶ୍ରମିକ ନଥିବାରୁ ଏଥିରେ କାହାରି କିଛି କ୍ଷତି ହୋଇନଥିବା ସୂଚନା ଦେଇଛି ପୋଲିସ । କମ୍ପାନୀଗୁଡ଼ିକରେ ଏଭଳି ବିସ୍ଫୋରଣ କିଭଳି ହେଉଛି ଏଭଂ ଏନେଇ ବିଭାଗ  ପାଖରେ ତଥ୍ୟ ରହିଛି କି ନାହିଁ ସେନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।

ଇଟିଭି ଭାରତ, କେନ୍ଦୁଝର