ଅଣାୟତ୍ତ କଲାଣି ଲଗାଣ ବର୍ଷା, ଗଛ ପଡି ରାସ୍ତା ଅବରୋଧ

ରାୟଗଡା: ଲଗାଣ ବର୍ଷାରେ ଶତାୟୁ ବରଗଛ ପଡି 12 ଘଣ୍ଟା ରାସ୍ତା ଅବରୋଧ । ରାୟଗଡା ଜିଲ୍ଲା ମୁନିଗୁଡା ଥାନା ଅନ୍ତର୍ଗତ ମୁନିଗୁଡା-ବାଲିଗୁଡା ରାସ୍ତାର ହୁକୁମାତୋଳା ଛକରୁ ଆଗକୁ ଏକ ବିଶାଳ ବରଗଛ ଲଗାଣ ବର୍ଷାରେ ଉପୁଡି ପଡିଥିଲା। ଫଳରେ ଯାତାୟତ ଦୀର୍ଘ ସମୟ ଠପ ହୋଇଯାଇଥିଲା । ଏପରିକି ଦୀର୍ଘ ସମୟ ଧରି ଆମ୍ବୁଲାନ୍ସ ମଧ୍ୟ ଛିଡ଼ା ହୋଇ ରହିଥିବା ଦେଖିବାକୁ ମିଳିଛି । ସୂଚନା ଅନୁଯାୟୀ ବଙ୍ଗୋପସାଗରରେ ଘନୀଭୂତ ଲଘୁଚାପ ଅବପାତ ପରେ ମୁନିଗୁଡ଼ାରେ ଦୁଇଦିନ ଧରି ଲଗାଣ ବର୍ଷା ଚାଲିଛି । ବେଳକୁ ବେଳ ବର୍ଷା ବଢିବା ସହିତ ଏହାର ପ୍ରକୋପ ଜନ ଜୀବନ ଉପରେ ପ୍ରଭାବ ପକାଉଥିବା ଦେଖିବାକୁ ମିଳୁଛି । ତେବେ ମୁନିଗୁଡା ବନ ବିଭାଗ, ଅଗ୍ନିଶମ ବିଭାଗ,ବିଦ୍ୟୁତ ବିଭାଗ ଓ ପୋଲିସ କର୍ମଚାରୀ ଘଟଣା ସ୍ଥଳରେ ପହଞ୍ଚି ଥିଲେ।ତେବେ ଏନେଇ ଗଛକୁ କାଟି ରାସ୍ତା ସଫା କରିବାକୁ 12 ଘଣ୍ଟା ସମୟ ଲାଗିଥିଲା ।