ଗୋଡାଇ ଗୋଡାଇ ମହିଳାଙ୍କଠୁ ସୁନା ଚେନ ଝାମ୍ପିଲେ ଲୁଟେରା, ସିସିଟିଭିରେ କଏଦ ଦୃଶ୍ୟ

ଭୁବନେଶ୍ବର: ରାଜଧାନୀରେ ବେକାବୁ ଅପରାଧ । ଦିନକୁ ଦିନ ରକ୍ତମୁଖା ହେଲେଣି ଲୁଟେରା। ଗୋଡେଇ ଗୋଡେଇ ନେଉଛନ୍ତି ସୁନେ ଚେନ । ଲକ୍ଷ୍ମିସାଗର ଥାନା ଓସ୍କାର ସିଟି ଅଞ୍ଚଳରୁ ମହିଳାଙ୍କ ଠାରୁ ସୁନା ଚେନ ଝାମ୍ପି ନେବାର ଦୃଶ୍ୟ ସିସିଟିଭିରେ କଏଦ ହୋଇଛି । ଫୁଲ ତୋଳିବା ପାଇଁ ମହିଳାଜଣକ ଯାଇଥିବା ବେଳେ ଲୁଟେରାମାନେ ଗୋଡାଇ ଗୋଡାଇ କାବୁ କରିଛନ୍ତି । ସିସିଟିଭି ଫୁଟେଜ ସାମ୍ନାକୁ ଆସିବା ପରେ ଓସ୍କାର ସିଟି ଅଞ୍ଚଳରେ ଭୟର ବାତାବରଣ ଖେଳିଯାଇଛି । ତେବେ ଏହା ପ୍ରଥମ ଘଟଣା ନୁହେଁ ଏହା ପୂର୍ବରୁ ଗତ ୭ତାରିଖ ଦିନ ୨ଟା ସମୟରେ ରାଜଭବନ ପଛପଟେ ଆଇଟିଆଇ କଲେଜ ସାମ୍ନାରେ ମଧ୍ୟ ସାମାନ ଏକ ଅନୁରୂପ ଘଟଣା ଘଟିଥିଲା। ଜଣେ ଯୁବତୀଙ୍କଠୁ ଲୁଟ ପାଇଁ ରକ୍ତମୁଖା ଭାବେ ଆକ୍ରମଣ କରି ଲୁଟ ବିଫଳ ହୋଇ ଦୁର୍ବୁତ୍ତ ଚମ୍ପଟ ମାରିଥିଲେ। ତେବେ ବାରମ୍ବାର ଏଭଳି ଘଟଣା ସାମ୍ନାକୁ ଆସୁଥିବା ବେଳେ ପୋଲିସର କାର୍ଯ୍ୟଦକ୍ଷତା ଉପରେ ପ୍ରଶ୍ନ ସୃଷ୍ଟି ହୋଇଛି ।

ଇଟିଭି ଭାରତ, ଭୁବନେଶ୍ବର