କିନ୍ନରଙ୍କ ଟାର୍ଗେଟରେ ନିଶା ମହାରଣା, ସୋସିଆଲ ମିଡ଼ିଆରେ ଅଶାଳୀନ ମନ୍ତବ୍ୟ ନେଇ ଥାନାରେ ଅଭିଯୋଗ

ଭଦ୍ରକ: ଆଇଟମ ଡାନ୍ସର ନିଶା ମହାରଣାଙ୍କ ବିବାଦ ପିଛା ଛାଡୁନି । ବିବାଦ ମଧ୍ୟରେ ଛନ୍ଦି ହୋଇଥିବା ନିଶା ମହାରଣାଙ୍କ ବିରୋଧରେ ଥାନାରେ ଏତଲା ହୋଇଛି । କିନ୍ନର ସମାଜକୁ ଆକ୍ଷେପ କରିଥିବା ନେଇ ତାଙ୍କ ବିରୋଧରେ ଭଦ୍ରକ ଟାଉନ ଥାନାରେ ଲିଖିତ ଅଭିଯୋଗ କରାଯାଇଛି । ସୋସିଆଲ ମିଡିଆରେ ନିଶାଙ୍କ ଅଶାଳୀନ ମନ୍ତବ୍ୟ ନେଇ କିନ୍ନର ସଂଘ ଥାନାର ଦ୍ୱାରସ୍ଥ ହୋଇଛି । ଅଭିଯୋଗ ଅନୁଯାୟୀ, ନିଶା ମହାରଣା ହାସ୍ୟ ଅଭିନେତା ଦୟାନିଧିଙ୍କ ପାଇଁ ଅଶାଳୀନ ଶବ୍ଦ ବ୍ୟବହାର କିନ୍ନରଙ୍କୁ ଆକ୍ଷେପ କରିଥିଲେ । ଯାହା ଫଳରେ କିନ୍ନରଙ୍କ ଟାର୍ଗେଟରେ ଆସିଛନ୍ତି ନିଶା । ତେବେ ନିଶାଙ୍କ ଏଭଳି ବ୍ୟବହାର ପାଇଁ ଯଦି ସେ ଭୁଲ ନମାଗନ୍ତି, ତାଙ୍କ ବିରୋଧରେ ଆନ୍ଦୋଳନକୁ ଓହ୍ଲାଇବାକୁ କିନ୍ନର ସଂଘ ଚେତାବନୀ ଦେଇଛି । ପୋଲିସ ସେମାନଙ୍କ ଏତଲାକୁ ଆଧାର କରି ନିଶା ମହାରଣାଙ୍କୁ ଗିରଫ କରିବା ସହ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି ହୋଇଛି । 

ଇଟିଭି ଭାରତ, ଭଦ୍ରକ