ଦୀର୍ଘ ୩ ଘଣ୍ଟା ପରେ ଉଦ୍ଧାର ହେଲା ଛୁଆ ହାତୀ, ରାତିସାରା ଜଗି ରହିଥିଲା ମାଆ

ସମ୍ବଲପୁର: କୂଅରୁ ଉଦ୍ଧାର ହେଲା ହାତୀ ଛୁଆ । ଉଦ୍ଧାର କଲା ବନବିଭାଗ । ଗତକାଲି ରାତିରେ ସମ୍ବଲପୁର ଜିଲ୍ଲା ସଦର ରେଞ୍ଜ ବସିଆ ପଡା ଗାଁରେ ମାଆ ହାତୀ ସହ ଆସିଥିବା ବେଳେ ଅନ୍ଧାରରେ ଛୁଆଟି ପରିତ୍ୟକ୍ତ କୂଆରେ ପଡିଯାଇଥିଲା । କୂଅରୁ ବାହାରିନପାରି ଜୋରରେ ରଡି କରିଥିଲା । ମାଆ ହାତୀଟି ରାତିସାରା ଛୁଆକୁ ଜଗି ରହିଥିଲେ ହେଁ ଉଦ୍ଧାର କରିପାରିନଥିଲା । ସମ୍ବଲପୁର ଜିଲ୍ଲା ସଦର ଫରେଷ୍ଟ ରେଞ୍ଜ ବସିଆପଡା ଗାଁରେ କୂଅ ଭିତରେ ଖସି ପଡିଲା ଛୁ‍ଆ ହାତୀ । ସ୍ଥାନୀୟ ଲୋକେ ଦେଖି ବନବିଭାଗକୁ ଖବର ଦେଇଥିଲେ । ଖବରପାଇ ଘଟଣା ସ୍ଥଳରେ ସଦର ରେଞ୍ଜ ବନ ବିଭାଗ ଅଧିକାରୀ ଓ ଅଗ୍ନିଶମ ବିଭାଗ ଅଧିକାରୀ ଜେସିବି ମେସିନ ସାହାଯ୍ୟରେ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ବର୍ଷା ଯୋଗୁଁ ଉଦ୍ଧାରକାର୍ଯ୍ୟରେ ବାଧା ଉପୁଜିଥିଲା । ଦୀର୍ଘ 3 ଘଣ୍ଟା ପରିଶ୍ରମ ପରେ ଜେସିବି ସାହାଯ୍ୟରେ କୂଅରୁ ରାସ୍ତା ଫିଟାଇ ହାତୀ ଛୁଆକୁ ସୁରକ୍ଷିତ ଭାବେ ଉଦ୍ଧାର କରାଯାଇଛି ।
 

ଇଟିଭି ଭାରତ, ସମ୍ବଲପୁର