ବାଟ ଭୁଲି ସ୍କୁଲରେ ପସିଲା ହାତୀ, ପିଲାଙ୍କ ସହ ଖେଳିଲା

ବେଙ୍ଗାଲୁର: ବାଟ ଭୁଲି ସ୍କୁଲରେ ପସିଲା ହାତୀ । ଏଭଳି ଘଟଣା ଘଟିଛି କର୍ଣ୍ଣାଟକର ଚାମରାଜନଗର ଜିଲ୍ଲାରେ । ରବିବାର ଦିନ ୟାଲାଣ୍ଡୁର ତାଲୁକର ପୁରାନିପୋଡ ବିଦ୍ୟାଳୟରେ ଏକ ଶିଶୁ ହାତୀ ବାଟ ଭୁଲି ସ୍କୁଲରେ ଆସି ପହଞ୍ଚିଥିଲା । ଏହି କୁନି ହାତୀକୁ ଦେଖି ସ୍କୁଲର ପିଲାମାନେ ବହୁତ ଖୁସି ହୋଇଥିଲେ । ଏହାସହ ହାତୀ ସହ ପିଲାମାନେ ଖେଳୁଥିବାର ଦୃଶ୍ୟ ମଧ୍ୟ ଦେଖିବାକୁ ମିଳିଥିଲା । ଏଥିସହ ହାତୀକୁ ପିଲାମାନେ କ୍ଷୀର ପିଇବାକୁ ଦେବା ସହ କଦଳୀ ମଧ୍ୟ ଖାଇବାକୁ ଦେଇଥିଲେ । ତେବେ ପ୍ରସିଦ୍ଧ କର୍ଣ୍ଣାଟକ ଗୀତ 'ଆନେ ବଣ୍ଟୋଣ୍ଡନେ, ୟାଉରାନେ' ଗାଇ ମଜା କରିଥିଲେ ପିଲାମାନେ । ତେବେ ପରେ ଗ୍ରାମବାସୀ ବନ ବିଭାଗକୁ ଖବର ଦେଇଥିଲେ । ଏଥିସହିତ ପାଟ୍ରୋଲିଂ ଟିମ୍ ଶିଶୁ ହାତୀକୁ ତା ମା’ ପାଖକୁ ଏର୍ନାକଟେ ନିକଟରେ ଛାଡିଥିଲେ । ବ୍ୟୁରୋ ରିପୋର୍ଟ, ଇଟିଭି ଭାରତ