ଐତିହାସିକ ବାଲିଯାତ୍ରା : ଓଡ଼ିଆ ସଂସ୍କୃତି ଓ ପରମ୍ପରାରର ପ୍ରଚାର ପାଇଁ ସଚେତନତା ଯାତ୍ରା

ଭୁବନେଶ୍ବର : ଐତିହାସିକ ବାଲିଯାତ୍ରା । ଓଡ଼ିଆ ସଂସ୍କୃତି ଓ ପରମ୍ପରାରର ପ୍ରଚାର ପାଇଁ ଆରମ୍ଭ ହୋଇଛି ସଚେତନତା ଯାତ୍ରା । କଟକ ଉନ୍ନୟନ କର୍ତ୍ତୃପକ୍ଷ ଓ ରାଜ୍ୟ ସରକାରଙ୍କ ମିଳିତ ଉଦ୍ୟମରେ ଏହି ସଚେତନତା ଯାତ୍ରା କରାଯାଉଛି । ରାଜ୍ୟର କୋଣ ଅନୁକୋଣରେ ଏହି ସଚେତନତା କରାଯାଉଛି । ଆଜି ରାଜଧାନୀର ରାସ୍ତାରେ ଦେଖିବାକୁ ମିଳିଥିଲା ଏହି ସଚେତନତାର ବିଶାଳ ପଟୁଆର । ଏହି ଅଭିଯାନରେ ପାରମ୍ପାରିକ ବେଶଭୂଷା ସହ ବେଶ ସୁନ୍ଦର ଭାବେ ସଜେଇ ହୋଇ କଳାକାର ନୃତ୍ୟ କରୁଥିବା ଦେଖିବାକୁ ମିଳିଛି । ଝାଞ୍ଜ, ମୃଦଙ୍ଗ ଓ ଶଙ୍ଖ ଧ୍ୱନିରେ କମ୍ପଥିଲା ରାଜଧାନୀ ରାସ୍ତା । ଖାଲି ସେତିକି ନୁହେଁ ଗାଡ଼ିରେ ସୁସଜିତ ବୋଇତରେ ବସିଥିଲେ ସାଧବ ପୁଅ । ଏହି ଯାତ୍ରା ୫ ଦିନ ପୂର୍ବରୁ ଆରମ୍ଭ ହୋଇଥିବା ବେଳେ ଆହୁରି ୩ ଦିନ ଚାଲିବ । ଇଟିଭି ଭାରତ, ଭୁବନେଶ୍ବର