ଜଗନ୍ନାଥ ମନ୍ଦିରରେ ପୂଜା କଲେ ଅମିତ ଶାହ, ଦେଖନ୍ତୁ ଅହମ୍ମଦାବାଦରେ ରଥଯାତ୍ରାର ଦୃଶ୍ୟ

ଗାନ୍ଧୀନଗର: ଆଜି ଦେଶର ବିଭିନ୍ନ ସ୍ଥାନରେ ଶ୍ରୀ ଜଗନ୍ନାଥଙ୍କର ପବିତ୍ର ରଥଯାତ୍ରା ପାଳନ ଜାରି ରହିଛି । ଦେଶର ବିଭିନ୍ନ ରାଜ୍ୟରେ ଥିବା ଜଗନ୍ନାଥ ମନ୍ଦିରରେ ରଥଯାତ୍ରା ଆୟୋଜନ କରାଯାଉଛି । ଅହମ୍ମଦାବାଦରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଜଗନ୍ନାଥ ମନ୍ଦିରରେ ପୂଜାର୍ଚ୍ଚନା କରିଛନ୍ତି । ସକାଳେ ଶାହ ମନ୍ଦିରରେ ପହଞ୍ଚିବା ପରେ ମଙ୍ଗଳ ଆଳତୀରେ ଅଂଶଗ୍ରହଣ କରିଥିଲେ । ତିନି ଠାକୁରଙ୍କୁ ଆଳତୀ କରିଥିଲେ ଶାହ । ପୂଜକମାନଙ୍କ ମନ୍ତ୍ରଧ୍ବନୀରେ ମଙ୍ଗଳ ଆଳତୀ ନୀତି ସମ୍ପନ୍ନ ହୋଇଥିଲା । ମନ୍ଦିର ପରିସର ପରିଦର୍ଶନ କରିଥିଲେ ଶାହ ।

ଅନ୍ୟପଟେ ଶ୍ରୀଜଗନ୍ନାଥ ସଂସ୍କୃତିର ମୂଳପୀଠ ପୁରୀ ଧାମରେ ସମସ୍ତ ନୀତିକାନ୍ତି ଶେଷ ହେବା ପରେ ଅପରାହ୍ନରେ ରଥ ଟଣା ଆରମ୍ଭ ହୋଇଛି । ପ୍ରଥମେ ବଡ଼ ଠାକୁର ଶ୍ରୀବଳଭଦ୍ରଙ୍କ ତାଳଧ୍ବଜ ରଥ ଟାଣାଯିବା ଆରମ୍ଭ ହୋଇଥିଲା । ପରେ ଭଉଣୀ ଦେବୀ ଶୁଭଦ୍ରା ଓ ଶେଷରେ ମହାପ୍ରଭୁ ଶ୍ରୀଜଗନ୍ନାଥଙ୍କ ନନ୍ଦିଘୋଷ ରଥ ଟଣାଯାଉଛି । ଚଳିତବର୍ଷ ଏହି ବିଶ୍ବପ୍ରସିଦ୍ଧ ରଥଯାତ୍ରାରେ ପୁରୀରେ ବିଶ୍ବବ୍ୟାପୀ ପ୍ରାୟ ୧୫ ଲକ୍ଷ ଶ୍ରଦ୍ଧାଳୁଙ୍କ ସମାଗମ ହୋଇଛି । ଦେଖନ୍ତୁ ଅହମ୍ମଦାବାଦରୁ ରଥଯାତ୍ରାର ଦୃଶ୍ୟ...