ପୁରୀ ସମୁଦ୍ରକୂଳରୁ ଅଜଣା ମୃତଦେହ ଉଦ୍ଧାର

ପୁରୀ: ଆଜି ବେଳାଭୂମିରୁ ମୃତଦେହ ଉଦ୍ଧାର ହୋଇଛି । ମୃତକଙ୍କ ପରିଚୟ ମିଳିନଥିବା ବେଳେ ଖବର ପାଇ ପୋଲିସ ଘଟଣାର ତଦନ୍ତ ଆରମ୍ଭ କରିଛି । ସେପଟେ ବେଳାଭୂମି ପାଖରୁ ଏଭଳି ଖବର ବାରମ୍ବାର ଆସୁଥିବା ବେଳେ, ସୁରକ୍ଷାକର୍ମୀ, ଲାଇଫ ଗାର୍ଡ ମୁତୟନ ଦାବି ହୋଇଛି ।

ପୁରୀ ସମୁଦ୍ରକୂଳ ଥାନା ଅନ୍ତର୍ଗତ ହୋଟେଲ ’ହଲି ଡେ ରିସର୍ଟ’ ନିକଟ ବେଳାଭୂମିରୁ ଉଦ୍ଧାର ହୋଇଛି ଏକ ମୃତଦେହ । ତେବେ ମୃତଦେହର କୌଣସି ପରିଚୟ ମିଳିପାରିନାହିଁ । ମୃତଦେହଟି ଜଣେ ପୁରୁଷଙ୍କ ହୋଇଥିବା ବେଳେ ମୃତଦେହ ଏଠାକୁ କେମିତି ଆସିଲା ତାହା ଜଣାପଡିନାହିଁ । ପୋଲିସ ମୃତଦେହକୁ ଉଦ୍ଧାର କରି ତଦନ୍ତ ଆରମ୍ଭ କରିଛନ୍ତି ।  

ଏହା ମଧ୍ୟ ପଢ଼ନ୍ତୁ.... ଶିକାରୀଙ୍କ ପ୍ରାଦୁର୍ଭାବ: ହରିଣ ମାଂସ ସହ ଶିକାରୀ ଗିରଫ

ତେବେ ଉକ୍ତ ବ୍ୟକ୍ତିଙ୍କ ମୃତ୍ୟୁ ସମୁଦ୍ରରେ ବୁଡ଼ି ଅଥବା  ଅନ୍ୟ କେଉଁ କାରଣରୁ ହୋଇଛି, ସେ ଦିଗରେ ପୋଲିସ ତଦନ୍ତ କରୁଛି । କୌଣସି ଥାନାରେ ନିଖୋଜ ମାମଲା ଅଛି କି ନାହିଁ ତାହା ମଧ୍ୟ ଯାଞ୍ଚ କରାଯାଉଛି । ତେବେ ହୋଟେଲ ହଲି ଡେ ରିସର୍ଟ ବେଳାଭୂମିଟି ନିଛାଟିଆ ରହିଛି । ସେଠାରେ ଅନେକ ପର୍ଯ୍ୟଟକ ସମୁଦ୍ରରେ ସ୍ନାନ କରୁଥିବା ବେଳେ ସେଠାରେ ଲାଇଫ ଗାର୍ଡ ନାହାନ୍ତି । ଫଳରେ ସମୁଦ୍ରରେ ଗାଧୋଇବା ବେଳେ ଉଚ୍ଚ ଜୁଆର ଯୋଗୁଁ ସବୁବେଳେ ପର୍ଯ୍ୟଟକଙ୍କ ପ୍ରତି ବିପଦ ରହିଛି । ସେହିଭଳି କୌଣସି ସୁରକ୍ଷାକର୍ମୀ ନଥିବାରୁ ଅନେକ ଅସାମାଜିକ କାର୍ଯ୍ୟ ମଧ୍ୟ ହେଉଛି । ଏଣୁ ପର୍ଯ୍ୟଟକଙ୍କ ସୁରକ୍ଷା ପାଇଁ ଏଠାରେ ସୁରକ୍ଷାକର୍ମୀ, ଲାଇଫ ଗାର୍ଡ ମୁତୟନ ସହ ନିୟମିତ ବ୍ୟବଧାନରେ ପୋଲିସ ପକ୍ଷରୁ ପାଟ୍ରୋଲିଂ କରିବା ପାଇଁ ଦାବି ହୋଇଆସୁଛି ।
 

ଇଟିଭି ଭାରତ, ପୁରୀ