Watch: ସାଇ ବାବାଙ୍କୁ ୨୦ ଲକ୍ଷର ସୁନା ମୁକୁଟ ଦାନ କଲେ ଭକ୍ତ

ହାଇଦ୍ରାବାଦ: ଗୁରୁପୂର୍ଣ୍ଣିମା ଅବସରରେ ସାଇ ବାବାଙ୍କୁ ସୁନା ମୁକୁଟ ଦାନ କଲେ ଜଣେ ଶ୍ରଦ୍ଧାଳୁ । ଆମେରିକାର ଟେକ୍ସାସରେ ରହୁଥିବା ହାଇଦ୍ରାବାଦର ସଫ୍ଟୱେୟାର ଇଞ୍ଜିନିୟର ଭାମସି କୃଷ୍ଣ ଏହି ମୁକୁଟ ଦାନ କରିଛନ୍ତି । ଯାହା ଦେଖିବାକୁ ଯେତିକି ଆକର୍ଷଣୀୟ ସେତିକି ମନଲୋଭା ମଧ୍ୟ । ଏହି ମୁକୁଟଟିର ଓଜନ 365 ଗ୍ରାମ ହୋଇଥିବା ବେଳେ ଏହାର ମୂଲ୍ୟ ୨୦ ଲକ୍ଷ ବୋଲି କୁହାଯାଉଛି । ତେବେ ମୁକୁଟଟିକୁ ଅତି ସୁନ୍ଦର ଭାବରେ ତିଆରି କରାଯିବା ସହ ମୂଲ୍ୟବାନ ପଥରରେ ସଜା ଯାଇଛି । ଗୁରୁପୂର୍ଣ୍ଣିମା ଅପରାହ୍ନ ପୂଜାର୍ଚ୍ଚନା ପରେ ଶିରିଡି ସାଇ ବାବାଙ୍କ ପ୍ରତିମା ଉପରେ ଏହି ମୁକୁଟଟି ରଖାଯିବ । ଅନ୍ୟପଟେ ଏହି ଅବସରରେ ଭାମସି କୃଷ୍ଣା କହିଛନ୍ତି ଯେ, ଯଦି ଆପଣଙ୍କୁ କାମରେ ସଫଳତା ମିଳୁଛି ତାହାଲେ ସେ ସବୁ ସାଇ ବାବାଙ୍କ ଆଶୀର୍ବାଦ ଯୋଗୁଁ ମିଳୁଛି । ସେଥିପାଇଁ ସେ ଗୁରୁପୂର୍ଣ୍ଣିମା ଅବସରରେ ବାବାଙ୍କୁ ମୁକୁଟ ପିନ୍ଧେଇବା ପାଇଁ ଆମେରିକାରୁ ଆସିଥିବା କହିଛନ୍ତି ।