ହୁତୁହୁତୁ ହୋଇ ଜଲିଗଲା ବୋଲେରୋ, ଅଳ୍ପକେ ବର୍ତ୍ତିଗଲେ ଯାତ୍ରୀ

କୋରାପୁଟ: ଅଚାନକ ହୁତୁହୁତୁ ହୋଇ ଜଲିଗଲା ବୋଲେରୋ । ଅଳ୍ପକେ ବର୍ତ୍ତିଗଲେ ଯାତ୍ରୀ । ଏପରି ଘଟଣା ଘଟିଛି କୋରାପୁଟ ସୁନାବେଡ଼ା ଜାତୀୟ ରାଜପଥ ନୂଆ କଲୋନୀ ନିକଟରେ । ସୂଚନା ଅନୁଯାୟୀ, ବୋଲେରୋଟି କୋରାପୁଟରୁ ସୁନାବେଡ଼ା ଅଭିମୁଖେ ଯାଉଥିଲା । କୌଣସି କାରଣ ବଶତଃ ଗାଡ଼ିରେ ନିଆଁ ଲାଗି ଯାଇଥିଲା । ସ୍ଥାନୀୟ ବ୍ୟକ୍ତିମାନେ ସଙ୍ଗେ ସଙ୍ଗେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଛି । ସ୍ଥାନୀୟ ବ୍ୟକ୍ତିଙ୍କ କହିବା ଅନୁସାରେ, ଗାଡିରୁ ଧୂଆଁ ବାହାରିବା ସମୟରେ ଗାଡ଼ିରେ ଥିବା 4 ଜଣ ବ୍ୟକ୍ତିଥିଲେ । ହେଲେ ଠିକ୍ ସମୟ ଗାଡି ଛାଡି ବାହାରକୁ ଦୌଡି ଆସି ନିଜର ଜୀବନ ବଞ୍ଚାଇଥିଲେ । ନିଆଁ ଲାଗିବା ଯୋଗୁ ଗାଡିଟି ସମ୍ପୂର୍ଣ୍ଣ ଜଳି ଯାଇଛି l ଅଚାନକ ଗାଡିଟି ଜଳି ଯିବାରୁ ଜାତୀୟ ରାଜପଥର ଉଭୟ ପାର୍ଶ୍ଵରେ କିଛି ସମୟ ପର୍ଯ୍ୟନ୍ତ ଯାତାୟାତ ଠପ୍ ହୋଇଯାଇଥିଲା ।

ଇଟିଭି ଭାରତ, କୋରାପୁଟ