ନବବର୍ଷରେ ଲିଙ୍ଗରାଜଙ୍କୁ ଦର୍ଶନ କଲେ ତେଲୁଗୁ ସମ୍ପ୍ରଦାୟ ଶ୍ରଦ୍ଧାଳୁ, ବଖାଣିଲେ ଖୁସି

ଭୁବନେଶ୍ବର: ଧରାପୃଷ୍ଠକୁ ଆଗମନ କରିଛି ନବବର୍ଷ 2023 । ନବବର୍ଷର ଆଗମନରେ ବିଭୋର ବିଶ୍ବବାସୀ । ନୂଆବର୍ଷକୁ ନେଇ ସବୁଠି ସେଲିବ୍ରେସନ । କେଉଁଠି ନାଚଗୀତ ଜମିଛି ତ କେଉଁଠି ବର୍ଷର ପ୍ରଥମ ଦିନକୁ ଭଗବାନଙ୍କ ଦର୍ଶନ କରି ଆରମ୍ଭ କରିଛନ୍ତି ଦେଶବାସୀ । ନବବର୍ଷ ଅବସରରେ ସୂଦୁର ତେଲେଙ୍ଗାନାରୁ ରାଜଧାନୀ ଭୁବନେଶ୍ବରକୁ ଆସି ପ୍ରଭୁ ଲିଙ୍ଗରାଜଙ୍କୁ ଦର୍ଶନ କରିଛନ୍ତି ତେଲୁଗୁ ସମ୍ପ୍ରଦାୟ ଶ୍ରଦ୍ଧାଳୁ ( telugu Devotees offer prayers at lingaraj ) । ମହାପ୍ରଭୁ ଲିଙ୍ଗରାଜଙ୍କୁ ଦର୍ଶନ କରି ଖୁସି ବ୍ୟକ୍ତ କରିଛନ୍ତି । ତେଲେଙ୍ଗାନାର ପ୍ରାୟ 20 ଜଣ ଶ୍ରଦ୍ଧାଳୁ ନବବର୍ଷ ଉପଲକ୍ଷେ ଓଡିଶା ଗସ୍ତରେ ଆସି ଭୁବନେଶ୍ବର ଏକାମ୍ରକ୍ଷେତ୍ରର ମହାରାଜା ମହାପ୍ରଭୁ ଲିଙ୍ଗରାଜଙ୍କ ଦର୍ଶନ କରି ପ୍ରୀତ ଅନୁଭବ କରିଛନ୍ତି । ଭୁବନେଶ୍ବରର ପାଣି ପବନ,ଖାଦ୍ୟ ପେୟ, ଚଳନ ବିଷୟରେ ଅନୁଭୂତି ବଖାଣିଛନ୍ତି ।