Watch Video: ବାହାଡ଼ା ଗଛରେ ବସିଛି ଭାଲୁ, ଏକମ୍ବା ଗାଁରେ ଆତଙ୍କ

ନବରଙ୍ଗପୁର: ଗଛ ଉପରେ ବସିଛି ଭାଲୁ । ଭୟଭୀତ ଗାଁ ଲୋକ । ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ଏକମ୍ବା ଗ୍ରାମର କିଛି ଦୂରରେ ଏକ ଭାଲୁ ଏକ ବାହାଡ଼ା ଗଛ ଉପରେ ଚଢିଥିବା ଦେଖିବାକୁ ମିଳିଛି । ଧିରେ ଧିରେ ଜଙ୍ଗଲ ନଷ୍ଟ ହେଉଥିବା ବେଳେ ଖାଦ୍ୟ ଅନ୍ୱେଷଣରେ ବିଭିନ୍ନ ସମୟରେ ବନ୍ୟଜନ୍ତୁ ସବୁ ଗାଁ ମୁହାଁ ହେଉଛନ୍ତି । ଏହି ଅଞ୍ଚଳରେ ଅନେକ ସମୟରେ ଜଙ୍ଗଲରୁ ଭାଲୁ ଆସୁଥିବା ଦେଖିବାକୁ ମିଳିଥାଏ ଏବଂ ଲୋକଙ୍କ ଭୟରେ ଗଛ ଉପରେ ଚଢ଼ି ଯାଆନ୍ତି ଭାଲୁ । ବର୍ତ୍ତମାନ ଏକମ୍ବା ଗ୍ରାମରେ ଗଛ ଉପରେ ଚଢି ରହିଥିବା ଭାଲୁକୁ ଦେଖି ଗ୍ରାମବାସୀ ଭୟଭୀତ ରହିଛନ୍ତି । ଭୟରେ ସେ ଅଞ୍ଚଳକୁ ଲୋକ ଚାଷ କରିବାକୁ ଯାଉନାହାନ୍ତି । ଘଟଣାସ୍ଥଳରେ ବନ ବିଭାଗ କିଛି କର୍ମଚାରୀ ପହଞ୍ଚି ଭାଲୁକୁ ସେଠାରେ ଜଗି ରହିଛନ୍ତି । ଭାଲୁ ଚଢ଼ିଥିବା ଗଛ ନିକଟକୁ ଯିବାକୁ ବାରଣ କରୁଛନ୍ତି ବନ କର୍ମଚାରୀ । ଏଥିସହ ତାକୁ ଘଉଡ଼େଇବା ପାଇଁ ବନ ବିଭାଗ ଉଦ୍ୟମ ଜାରି ରଖିଛି ।

ଇଟିଭି ଭାରତ, ନବରଙ୍ଗପୁର